MIQUEAS 6:14 - Biblia Guarani Tumpa Iñee

¹⁴ Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

MIQUEAS 6:14 ပူးပေါင်းရင်းမြစ်များ

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

ISAÍAS 9:20

Metei ñavo opɨ̈rota iyakatu kotɨ güi, ërei yɨmbɨaɨta opɨta; metei ñavo mbaetɨta oiparareko jëtara, mbaetɨta yangapɨɨ. Metei ñavo opɨ̈rota taɨ ae güi.

JEREMÍAS 48:44

Okɨɨye güi otekuarai vae, oata ɨvɨkua pe, jare ɨvɨkua güi oë tëigüe, oata ñuai pe, echa che aruta Moab re tembiporara. Che ndeYa ko jae kuae.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

OSEAS 4:10

Okaru retata, ërei mbaetɨta jɨ̈vɨata reta; yogüɨreko retata aguasa rupi, ërei mbaetɨta iñemuña, echa mbaetɨ ma oyeokuai reta cheve.

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

HAGEO 1:6

Pemaetɨ jeta, ërei mbovɨ yae pemboɨru; pekaru, ërei mbaetɨ perɨ̈vɨata; peɨu, ërei mbaetɨ peɨuve omboasa; peyemonde, ërei mbaetɨ pemboaku katu; jare ara ñavo oparavɨkɨ omongana vaerä vae omboresive korepoti yave, oñono ivosiko osoro vae pe rami.

HAGEO 2:16

¿mbae pa peasa? Pekɨ̈reɨ tëi pemboɨru veinte jɨru temitɨ, ërei payandepoño pemboɨru; pekɨ̈reɨ tëi peyapo cincuenta jɨru vino, ërei veinteño peyapo.