MIQUEAS 5:8 - Biblia Guarani Tumpa Iñee

⁸ Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 5:8 ပူးပေါင်းရင်းမြစ်များ

GÉNESIS 49:9

Judá, yaguapope ndeigüe rami nde, jembia opa jou vae oyapakua ɨvɨ re, yaguapope tuichagüe nunga: ¿Kia pa omombata?

SALMOS 104:20

Rembou pɨtumimbi, pɨ̈tu vaerä, jayave oë oguata mɨmba kaa rupigua reta.

SALMOS 44:5

Ndembaepuere rupi romoamɨri orerovaicho reta; ¡nderee re, oporepeña orekotɨ vae reta re opa ropɨ̈ro!

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

PROVERBIOS 30:30

Yaguapope, ipɨ̈rata yae opaete mɨmba reta güi vae, mbaetɨ okɨɨye mbae güi vae;

ISAÍAS 5:29

yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

EZEQUIEL 39:10

Mbaetɨta oeka reta yepea ani güeru reta kaa güi, jaeño oapɨ retata tembiporu ñeraro pegua. Omaepɨ̈ro retata omaepɨ̈ro chugüi vae reta güi, ipogüɨrai oeya retata jökorai oporoapo vae reta. Che Tumpa jae kuae.

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

MIQUEAS 5:3

Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 10:5

Sundaro jëia yae vae ramita ñeraro pe. Opɨ̈rota jovaicho reta re tuyuapo re rami. Oñoraro retata, echa yandeYa oïta jae reta ndive; jare kavayu regua reta oñemomaraiukata.

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

ZACARÍAS 12:3

Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,

ZACARÍAS 14:18

Jare Egiptoɨgua reta mbaetɨ yave oyeupi, yandeYa oiporaraukata chupe ïru tëtaguasu reta pe rami, mbaetɨ ramo ojo ombaemboete o ñairaka pegua iyarete pe.

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

MALAQUÍAS 4:3

Jókuae ara pepɨ̈rota jeko kavimbae reta re, tanimbu rami opɨta retata pepɨ igüɨ pe. Jókuae ara amboɨpɨ aporojäa yave, jei yandeYa Imbaepuere yae ete vae.

NÚMEROS 24:9

Jare itindɨ retata oyapakua vaerä yaguapope kuimbae jare yaguapope kuña rami. ¿Kia ra omomba retata? Toyekou, iñee kavi ndekotɨ vae reta, Jare yepopeyu toa, oyepopeyu nderé vae reta re.”

San Mateo 10:14

Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.

Hechos 18:6

Ërei jókuae judío reta oyovaicho jare jei reta ikavimbae vae ikotɨ. Jáeramo Pablo omotumo jemimonde, jare jei chupe reta: —Pe reta aeño penoita teko peyeupe pekañɨtei re. Che mbaetɨa chereko. Añave güive ajata judiombae vae reta kotɨ.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.