MIQUEAS 5:3 - Biblia Guarani Tumpa Iñee

³ Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

MIQUEAS 5:3 ပူးပေါင်းရင်းမြစ်များ

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

2 CRÓNICAS 30:7

Agüɨye peyeapo peñemuñagüe reta rami jare perëtara reta rami, oyembopɨapochɨ reta yandeYa kotɨ, iñemuñagüe reta iTumpa kotɨ, jare jae omee opa vaerä oyemboai, pe reta peecha rami.

SALMOS 67:3

CheRu Tumpa, opaete vae reta tandemboete; ¡opaete vae tëta reta tandemboete!

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 2:14

Ërei che amokɨ̈reɨta; arajata ñuu pe, jare añataita ipɨa.

OSEAS 2:9

Jáeramo apɨ̈rota chembae trigo jare vino mbaagüɨye iara pe, apɨ̈rota chembae vecharaagüe jare lino amee chupe reta jemimonderä vae.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 6:14

Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

ZACARÍAS 10:6

YandeYa jei: “Che amomɨ̈ratata Judá iñemuña reta, José iñemuña reta ayorata jare amboyerova yeta. Echa aɨu yae reta, jare ñogüɨnoita mbaetɨ etei aröɨro rami. Echa che ko jae iYa Tumpa, aenduta iyerure reta.

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.