MIQUEAS 5:2 - Biblia Guarani Tumpa Iñee

² Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

MIQUEAS 5:2 ပူးပေါင်းရင်းမြစ်များ

GÉNESIS 35:16

Jaɨkue rupi yogüɨraja Bet-el güi; jare oata vɨteri yogüɨraja oväe vaerä Efrata pe yave Raquel oyekuaku, ërei oa raiviä imembɨ.

GÉNESIS 35:19

Jökorai omano Raquel tape Efrata kotɨ ojo vae rupi, jae ko Belén, jare joko pe oñotɨ reta.

GÉNESIS 48:7

Echa che ayu aiko Padan-aram güi yave, ndesɨ Raquel omano chegüi tape rupi, Efrata kotɨ ojo vae pe, jae ko Belén, joko pe añotɨ.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

1 CRÓNICAS 2:54

Salma taɨ reta jae: Belén, Netofaɨgua reta, Atrot-bet-joab, ïru mbɨte rupi manahetita reta, zoraíta reta

SALMOS 132:6

Mase, Efrata kotɨ roikuaa käjou morogüɨrökuavee pegua, jare roväe chupe kaa pe.

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 18:25

Moisés oiparavo kuimbae oikatuta tëta güɨroata vae reta Israel iñemuña reta güi, jare oñono opaete vae juvicharä, mil kuimbae vae reta re, cien, cincuenta jare payandepo kuimbae reta re.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 53:2

Jokɨ pɨau vae ramita oë yandeYa jembiokuai, jare japo ɨvɨ otini vae re oï ramita; mbaetɨ oyekuaa kavi jare mbaetɨ ipöra; yaechata, ërei ipörambae reve, yaaɨu yaeta.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

MIQUEAS 4:10

Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 2:1

Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi.

San Mateo 2:6

“Nde Belén, ɨvɨ Judá pegua michi yae vaeä ko nde Judá pegua tëta guasu reta güi. Echa ndegüi oëta oporogüɨroata vae. Jae oyangarekota Israel pegua chembae vae reta re.”

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Lucas 23:2

Jare omboɨpɨ reta omboeko Jesús, jei reve: —Kuae kuimbae re roväe, güɨrokomegua tëta guasu pegua reta ipɨa, oyopia agüɨye vaerä oyemboepɨ César okovara vae, jare jei jae ko mburuvicha guasu Cristo jee vae.

San Lucas 23:38

Jare oï metei kuatía iñäka iárambo, griego, latín jare hebreo reta iñee pe: “KUAE KO JAE JUDÍO RETA JUVICHA GUASU.”

San Juan 7:42

Echa Tumpa Iñee pe jei David iñemuña güi jare tëta Belén David jëta güi ko oëta Cristo.

DEUTERONOMIO 1:15

Jayave aipɨɨ ñemuña ñavo güi kuimbae yarakuaa katu vae, jare jäta ngatu vae, añono petenondeguarä, amogüe mil vae re, ïru cien vae re, cincuenta vae re jare payandepo vae re, jare amogüe reta ñemuña ñavo re.

Colosenses 1:17

Jare jae oiko ñomai ndei opaete mbaembae oyeapo mbove, jare jese yogüɨreko opaete mbaembae.

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

JUECES 17:7

Oiko metei kunumi ketɨgua tëta Belén, Judá pegua jae ko levita.

RUT 1:1

Arakae mburuvicha oporoepɨ vae reta yogüɨreko yave, oiko karuai jókuae ɨvɨ pe, jare metei kuimbae tëta Belén pe oiko vae ɨvɨ Judá pe, ojo oñemoëta ɨvɨ Moab pe jembireko ndive jare mókoi taɨ reta.

RUT 4:11

Jare tenondegua reta jare opaete joko pe ñogüɨnoi vae reta jei: —Orerovake ko reyapo. ¡YandeYa toyapo ndeve jókuae kuña oiketa ndero pe vae Raquel jare Lea rami, kuae reta güi oñemuña tëta Israel! Jare nde eiko kuimbae tuicha yae vae Efrata pe, jare jërakua vae Belén pe.

1 SAMUEL 10:19

Ërei añave pe reta peröɨro peTumpa, opaete mbɨatɨtɨ jare mbaeporara reta güi peñovatu vae, echa peiporu peruvicha guasurä. Añave, peyemboatɨ yandeYa jóvai, peñemuña ñavo rupi jare peñoëtara vae ñavo rupi.

1 SAMUEL 17:12

David jae ko Efrataɨgua Isaí taɨ, tëta Belén Judá pegua, jae güɨnoi juri taɨ. Saúl oiko mburuvicharä yave, jae indechi yae ma ïru reta ipɨte pe.

1 SAMUEL 17:18

Eraja vi payandepo kesu sundaro ruvicha tenondegua ete pe. Emae nderɨkeɨ reta re, jare eru chugüi reta mbae, aikuaa vaerä kërai ñogüɨnoi vae.

1 SAMUEL 23:23

Pemae kavi jese kerupi rupi oñemi vae re, jare peyu ye pemombeu kavi cheve, aja vaerä pe ndive, jare jae oime yave oï joko pe, che taeka opaete ɨvɨ Judá rupi.

1 SAMUEL 8:12

Jare oñonota mil vae sundaro reta juvicharä, cincuenta vae juvicharä; jaeramiño vi oñono retata oparavɨkɨ reta vaerä iko rupi, jare ombaarɨvo reta vaerä, jare oyapoukata chupe reta tembiporu ñeraro pegua, jare ikäretou ñeraro pegua reta reguarä.