MIQUEAS 4:8 - Biblia Guarani Tumpa Iñee

⁸ Nde Jerusalén, jae ko Sión pegua reta imaeka jare ikësea; renoi yeta mbaepuere tenonde yave rami, ndegüi mburuvicha guasu reta oporookuai yeta.”

MIQUEAS 4:8 ပူးပေါင်းရင်းမြစ်များ

GÉNESIS 35:21

Israel oë jare omopüa jo guakapi pegua Migdal-edar kutɨ.

2 SAMUEL 5:7

Ërei David opɨ̈ro jókuae tëta guasu jëguambae Sión regua; jae ko añave rupi jee David Jëta guasu.

NEHEMÍAS 3:25

Chugüi kutɨ oï Palal, Uzai taɨ, omopüa ye ekina jare maeka ɨvate vae oë mbuku oï mburuvicha guasu jo güi vae re katu, jókuae oï tembipɨɨrɨru joka pe. Kutɨ oï Pedaías, Faros taɨ,

SALMOS 24:7

¡Öke reta, peyepea! ¡Öke reta ñɨma vae, peyepea, Mburuvicha guasu imboetea yae vae oiketa!

SALMOS 48:3

Tumpa oï o mburuvicha jo Jerusalén pegua pe; jae oyekuaauka metei ñepɨ̈roa ikavi yae vae rami.

SALMOS 61:3

echa nde jae ko cheñepɨ̈roa. ¡Nde ko jae maeka ɨvate yae tovaicho reta jóvai vae!

CANTARES 4:4

Ndeayu, David pe oñemopüa maeka ɨvate vae, tembiporu ñeraro pegua jɨrurä vae rami. Jókuae re oyembosavava mil yeopiaka, jëia oñeraro vae reta iyeopiaka katuai.

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 10:32

Tëta Nob pe ave metei ara oiketa tovaicho reta; opüata Sión pegua reta re, ɨvɨtɨ Jerusalén re.

ISAÍAS 5:2

Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

ABDÍAS 1:21

Oporomoamɨri retata oyeupi ɨvɨtɨ Sión kotɨ, oporojäa reta vaerä ɨvɨ Esaú pegua reta kotɨ; jare yandeYa oporookuaita joko pe.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

ZACARÍAS 9:12

¡Tembipɨɨ reta peyerova ye peñepɨ̈roa pe, peäro peiko vae! Añave amombeu peve, pomopüa pɨauta oasa ye tenonde peiko vae güi.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

NÚMEROS 24:19

Jacob iñemuña güi oëta oporomoamɨri vae, omboaita tëta pe jembɨregüe.”

San Mateo 21:33

“Tamombeu ye peve ambojaanga reve kuae: Oiko metei kuimbae ikorä oikëse vae. Oñotɨ pɨpe jeta uva. Oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete ko re. Javoi oiporuuka iko ïru vae reta pe, jare ojo mombɨrɨ.

San Marcos 12:1

Jayave Jesús omboɨpɨ imiari chupe reta ombojaanga reve: “Metei kuimbae oikëse ikorä jare oñotɨ pɨpe jeta uva, oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete kó re. Javoi oiporuka iko ïru vae reta pe, jare ojo mombɨrɨ.

Efesios 1:21

güɨnoi vaerä mbaepuere opaete mburuvicha reta ara pegua, ɨvɨ pegua jare oipotagüe mbaepuere güɨnoi vae re, jare opaete tuichagüe yae vae reta, añave pegua reta jare oikota vae reta re;

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.