MIQUEAS 4:12 - Biblia Guarani Tumpa Iñee

¹² Ërei jókuae tëtaguasu reta mbaetɨ oikuaa, yandeYa iyemongeta, iporomboarakuaa ave mbaetɨ oikuaa reta; kuae jeko pegua omboatɨta trigo oyembopiriría pe oï rami.

MIQUEAS 4:12 ပူးပေါင်းရင်းမြစ်များ

SALMOS 147:19

Jae oikuaauka iñee, iporookuai reta jare iporojäa reta, tëta Israel, Jacob iñemuña reta pe.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

ISAÍAS 10:7

Ërei mburuvicha guasu Asiria pegua mbaetɨta jökorai oyemongeta, iyemongeta ambuaeyee ko. Iyemongeta pe jaeño oipota opa oporomboai, ikɨ̈reɨ opa omboai jeta tëtaguasu reta.

ISAÍAS 21:10

Tëta chembae, trigo oyembopiriri jare oyembovevegüe rami vae, amombeu ndeve aendu yandeYa Imbaepuere yae ete vae güi vae, jae ko Israel iTumpa.

ISAÍAS 29:7

Pɨ̈tu yave yapaɨu vae ramiñota oasa, opaete jókuae jeta tëtaguasu reta oñeraro Ariel ndive vae, opaete oñemopüa ikotɨ vae reta ndive ani oiporarauka chupe reta vae ndive.

ISAÍAS 55:8

YandeYa jei: Cheyemongeta reta mbaetɨ ko peyemongeta reta rami, jare perape reta, mbaetɨ cherape rami.

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 51:20

“¡Babilonia, nde ko jae chemartillo rami, cherembiporu ñeraro pegua rami! nde rupi amboai tëtaguasu reta, nde rupi amboai mborookuaía reta.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

JOEL 3:2

amboatɨta opaete tëtaguasu reta, aruta ɨvɨtɨ päu ipe kavi vae pe, Josafat jee vae pe, Israel, tëta chembae vae jeko pegua. Jae reta opa omoai moai tëtaguasu reta rupi, jare omboyao reta iyeupe ɨvɨ chembae.

San Lucas 3:17

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”