MIQUEAS 4:11 - Biblia Guarani Tumpa Iñee

¹¹ Ërei añave jeta yae tëtaguasu reta, oyemboyovaicho pekotɨ, jare jei reta: “¡Yayerovia katu reve ñamae jare yayapo ikavimbae Jerusalén imboetea yae yepi vae pe!”

MIQUEAS 4:11 ပူးပေါင်းရင်းမြစ်များ

SALMOS 129:5

¡Toñemomaraiuka jare totekuarai, opaete Sión imotareɨa reta!

SALMOS 83:5

Echa oyomboatɨ oyapo reta yemongeta metei ramiño, oñomoïru reta oñemopüa ndekotɨ,

ISAÍAS 10:7

Ërei mburuvicha guasu Asiria pegua mbaetɨta jökorai oyemongeta, iyemongeta ambuaeyee ko. Iyemongeta pe jaeño oipota opa oporomboai, ikɨ̈reɨ opa omboai jeta tëtaguasu reta.

ISAÍAS 17:12

¡Peendu jeta vae reta kërai oyeendu, ɨguasu jɨapu oyeendu rami! Tëta guasu reta jɨapu oyeendu, ɨguasu jɨapu oyeendu rami.

ISAÍAS 29:7

Pɨ̈tu yave yapaɨu vae ramiñota oasa, opaete jókuae jeta tëtaguasu reta oñeraro Ariel ndive vae, opaete oñemopüa ikotɨ vae reta ndive ani oiporarauka chupe reta vae ndive.

JEREMÍAS 52:4

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta ɨvɨ yeupikarä jókuae tëta guasu iyɨ́vɨri rupi.

EZEQUIEL 26:3

Jáeramo che ndeYa Tumpa jae körai: Tiro, che ayovaicho nde ndive. Amopüata ndekotɨ jeta tëtaguasu reta ïru ɨvɨ pegua, ɨguasu omopüa iɨaparúa rami.

EZEQUIEL 38:17

‘Che Tumpa jae körai: ¿Ndereä pa ko chemiari ara oasagüe pe cherembiokuai ñeemombeúa reta Israel pegua rupi, jae reta omoërakua, maratuta vae; kërai jókuae ara rupi che rogüeruta reporepeña jese reta vae?’

ABDÍAS 1:12

Agüɨyeta tëi ko peyerovia peecha yave perëtara reta, jókuae ara mbaesusere rupi yogüɨreko yave, agüɨyeta tëi vi peyerovia, peecha yave Judá pegua reta jókuae ara rupi opa oyemboai, agüɨyeta tëi vi peyóyai yóyai, jókuae ara mbɨatɨtɨ rupi yogüɨreko yave.

MIQUEAS 7:10

Kuae oechata cherovaicho reta jare imarata opɨta reta; jeise reta cheve: “¿Ketɨ pa oime oï ndeYa Tumpa?” Ërei añave aecha retata opa oñepɨ̈ro jese tuyuapo re tape rupi rami.

ZACARÍAS 12:3

Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,