MIQUEAS 4:10 - Biblia Guarani Tumpa Iñee

¹⁰ Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

MIQUEAS 4:10 ပူးပေါင်းရင်းမြစ်များ

2 REYES 20:18

Ndegüi oñemuña vae reta ave oyererajaukata Babilonia pe, jare oapiao retata oyapo vaerä tembiokuairä mburuvicha guasu jo peguarä.”

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

2 CRÓNICAS 36:20

Jaɨkue rupi opa güɨraja reta Babilonia kotɨ oasayepe mano güi vae, jare yogüɨreko reta jembiokuairä jare taɨ reta jembiokuairä ou regua Persia mborookuaía guasu,

2 CRÓNICAS 36:23

“Ciro mburuvicha guasu Persia pegua jei körai: ‘YandeYa Tumpa ara pegua, omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, jae ko ɨvɨ Judá pe. Jayave oipotagüe pegüi reta jókuae ɨvɨ pegua, yandeYa imbae ko vae, yandeYa Tumpa tapemborɨ, pekua jokotɨ.’ ”

SALMOS 106:10

Jökorai, güɨroasayepe tovaicho reta güi, imotareɨa reta ipo güi.

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

ISAÍAS 45:13

Che ko añono Ciro oporomoamɨri vaerä, che amboipeta opaete tape chupe; jae omopüa yeta tëta guasu chembae, jare oyorata chembae vae reta tembipɨɨrä mombɨrɨ rupi ñogüɨnoi vae, okovarambae reve jese.” YandeYa Imbaepuere yae ete vae jei jökorai.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

JEREMÍAS 13:4

“Jókuae kuakuaa reguagüe ndekúa re renoi vae, eraja ɨ̈aka Éufrates pe jare eñomi joko pe metei ɨ̈vavira oyeka vae ipäu pe.”

JEREMÍAS 15:21

Rogüɨroasayepeta jeko kavimbae vae reta ipo güi, ¡rogüɨroasayepeta jëia vae reta ipo güi!”

JEREMÍAS 29:20

Peendu mo cheñee, opaete pe reta pogüɨrajauka Jerusalén güi Babilonia kotɨ vae reta.’)

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 48:41

Tëta guasu reta jare ñepɨ̈roa reta opata oa jovaicho reta ipo pe. Jókuae ara jëia vae reta Moab pegua, orɨrɨita kuña imembɨ oa oï vae rami.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

OSEAS 13:13

Outa oväe chupe ara, kuña imembɨrasɨ vae rami, metei michia yarakuaambae rami ko, echa mbaetɨ oñeñono kavi michia oa vaerä rami ko.

OSEAS 2:14

Ërei che amokɨ̈reɨta; arajata ñuu pe, jare añataita ipɨa.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

MIQUEAS 5:3

Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.