MIQUEAS 4:1 - Biblia Guarani Tumpa Iñee

¹ Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

MIQUEAS 4:1 ပူးပေါင်းရင်းမြစ်များ

GÉNESIS 49:1

Jacob oenɨi taɨ reta, jare jei: “Peya katu cheré, amombeuta peve mbae oikota kuri pe reta ndive vae:

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 48:1

¡YandeYa ko tuichagüe yae! ¡Jupi ko oyemboete yae vaerä jëta guasu pe, iɨvɨtɨ oñeñono teea pe!

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 54:2

Embopɨguasu ndero guakapi pegua, embopɨguasu ndero guakapi pegua oyemboyao yao vae; agüɨye toata, embopuku nerɨmasa ndero imoataa, ietaka reta eyatɨka kavi eñono,

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 26:18

“Miqueas, Moreset pegua omoërakua Tumpa iñee, Ezequías oiko mburuvicha guasurä Judá pe yave, imiari opaete Judá pegua reta pe, jei: ‘Körai jei yandeYa Imbaepuere yae ete vae: Sión opɨtata, metei ko pe ɨvɨ opa oyemongúi vae rami, Jerusalén opɨtata jendagüeño, jare ɨvɨtɨ tupao jendagüe pe okuakuaata ɨvɨra.’

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

JEREMÍAS 48:47

Ërei metei ara, Moab aru yeta kuri iɨvɨ pe tembipɨɨrä oikoa güi. Che ndeYa ko jae kuae.” Jae kuae Tumpa iporojäa oiko vaerä Moab ndive.

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

EZEQUIEL 43:12

Kuae ko jae mborookuai tupao pegua: Opaete ɨvɨ tupao iyɨ́vɨri oï vae, ɨvɨtɨ iyapɨte re oï vae, oñeñono tee kavi yae vae ko.”

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

DANIEL 7:22

Ou regua jókuae Ndechi Tenondegua ete jare oyapo jupi vae Tumpa Tuichagüe yae ete vae pe oñeñono tee vae reta pe, echa oväe ma ara Tumpa pe oñeñono tee vae reta pe oñemee vaerä mborookuaía.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

ZACARÍAS 14:10

Opaete ɨvɨ ipe kavi vae rami opɨtata Geba güive Rimón kotɨ, Jerusalén güi arayevɨ kotɨ. Jerusalén tuicha yaeta jare jeta yaeta pɨpe vae, öke Benjamín Röke jee vae güive tenondegua öke pe Ekina Röke jee vae pe, jare Hananeel jo ɨvate güive mburuvicha guasu reta iuva oñetɨamía pe.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

Hechos 2:17

‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.