MIQUEAS 3:7 - Biblia Guarani Tumpa Iñee

⁷ Jókuae ñeemombeúa reta imarata opɨta, maratuta vae imombeúa reta jopata; jare opaete kuae reta kïriita opɨta, echa Tumpa mbaetɨ omboyevɨ ñee chupe reta.

MIQUEAS 3:7 ပူးပေါင်းရင်းမြစ်များ

SALMOS 74:9

Mbaetɨ ma roecha romokañɨmaa oreyeupe vae; mbaetɨ ma ñeemombeúa ave, mbaetɨ vi kia orepɨte pe oikuaa kuae kërai yave regua ra oikota vae.

ÉXODO 9:11

Jare imbaekuaa vae reta mbaetɨ ipuere yogüeru oyovaicho Moisés kotɨ kuru jeko pegua, echa ikuru imbaekuaa vae reta jare opaete Egiptoɨgua reta.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

EZEQUIEL 24:22

Ere chupe reta: Che ayapo rami etei peasata: Ngaraa peñova perova pekañɨmaa vaerä mbɨatɨtɨ pe, ani peu tembíu jókuae peguarä oyeapo vae.

LEVÍTICO 13:45

Jare ipire mbaerasɨ ókui vae tomonde temimonde osorogüe jare tiñäka-güɨrai, jare jova toñova jare tosapúkai: ‘¡Ikavimbae ko che! ¡Ikavimbae ko che!’

AMÓS 8:11

YandeYa Tumpa jei: Mase, ambouta yɨmbɨaɨ iara kuae ɨvɨ pe; ërei mbaetɨta yɨmbɨaɨ tembíu regua, ani ɨuve ɨ regua, ¡yandeYa iñee re ko!

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

MIQUEAS 7:16

¡Toecha ïru tëtaguasu reta, jare timara reta imbaepuere yae tëi reve! ¡Topɨta reta iñeembae jare iyapɨsambae rami!

ZACARÍAS 13:4

Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä.

1 SAMUEL 14:37

Jayave Saúl oparandu Tumpa pe: —¿Chepuere pa aporepeña filisteo reta re? ¿Remeeta pa Israel iñemuña reta ipo pe? Ërei yandeYa mbaetɨ mbae jei chupe jókuae ara.

1 SAMUEL 28:15

Jayave Samuel jei chupe: —¿Maera pa chemoambeko jare chereenɨiuka? Jare Saúl jei: —Chepɨatɨtɨ yae aï, echa filisteo reta oporepeña ñogüɨnoi cheré, jare Tumpa osɨrɨ chegüi; mbaetɨ ye ma imiari che ndive, ñeemombeúa reta rupi ani mbaɨu reta rupi ave. Kuae jeko pegua ko roenɨi remombeu kavi vaerä cheve mbae ayapo vaerä.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.

1 SAMUEL 9:9

(Arakae ete kia ojo oparandu Tumpa pe yave jei körai: “Peyu yaja mbae re oecha voi vae pɨri.” Echa añave oyembojee ñeemombeúa vae, jayave rupi jee yepi mbae re oecha voi vae.)