MIQUEAS 3:5 - Biblia Guarani Tumpa Iñee

⁵ Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

MIQUEAS 3:5 ပူးပေါင်းရင်းမြစ်များ

PROVERBIOS 28:21

Yayoparavoño yayoparareko vae mbaetɨ ko ikavi; metei mbɨyape jaɨgüe re ave, ipuere ko yandeyoa.

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

JEREMÍAS 23:27

¿Oyemongeta reta ra, jókuae ipaɨu reta re imiari oyoupe vae rupi omombiata chegüi chembae vae reta, iñemuñagüe reta ñakañɨ chegüi jare omboete reta Baal rami?

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 6:14

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 6:4

Tovaicho reta jei: “¡Peyeapo katu ñañoraro vaerä! ¡Pepüa, ñaporepeña Jerusalén re, kuaraɨ ara mbɨte ma yave! Ërei, ¡kaaru yae ma, kuaraɨ oa ma!

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 13:9

Aiporaraukata jókuae ñeemombeúa jei raangaiño vae pe, jare imbaekuaa rupi maratuta vae omombeu rami iyapu reve vae pe. Kuae reta ngaraa ma ñogüɨnoi chembae vae reta ipɨte pe, ngaraa jee oñemoapɨta Israel iñemuña reta jee oïa pe, jare ngaraa vi yogüeru ye Israel iɨvɨ pe. Jayave pe reta chekuaata che ko jae peYa vae.

OSEAS 4:5

Jáeramo ara pe ani pɨ̈tu yave peata ñeemombeúa oata vi pe ndive, jare ndesɨ amokañɨteita.

JOEL 3:9

Pemoërakua kuae tëtaguasu reta pe: ¡Pemoërakua ñeraro! ¡Pemombarandu jëia vae reta! ¡Toyogüeru opaete kuimbae ñeraro regua reta!

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.