MIQUEAS 2:2 - Biblia Guarani Tumpa Iñee

² Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

MIQUEAS 2:2 ပူးပေါင်းရင်းမြစ်များ

1 REYES 21:1

Opaete kuaekuae reta oasa. Oiko metei kuimbae Jezreel pegua Nabot jee vae, güɨnoi metei uvarupa mburuvicha guasu Samaria pegua Acab jo iyɨpɨ pe.

2 REYES 9:26

“Che aecha kárumbo Nabot jare taɨ reta jugüɨgüe rami, körai ayapota nde ndive kuae ɨvɨ pe etei. Che peYa jae körai.” Jayave peipɨɨ jare pemombo Nabot iɨvɨ pe yandeYa jei rami.

JOB 31:38

Cheɨvɨ mbaetɨ oñeapo cheré, temitɨ reta ñogüɨnoi pɨpe vae mbaetɨ vi ipɨatɨtɨ.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 22:13

Akua akuata chepo re chearasɨ yae ndembaeyuvanga katu jare reporoyuka vae jeko pegua.

EZEQUIEL 33:26

Peyerovia pekɨsepuku re, peyapo pɨ̈chɨi vae, metei ñavo peyemongɨa perapicha jembireko ndive peiko vae rupi, jökorai reve, ¿perovia pa peikota kuae ɨvɨ iyarä?’

EZEQUIEL 45:9

Che ndeYa Tumpa jae körai: ¡Joko peño mo, mburuvicha reta Israel pegua! Peeya mo teko pɨ̈chɨi yae vae, maepɨ̈ro. Peyapo jupi vae jare isɨmbi vae; agüɨye pepɨ̈ro ɨvɨ chembae vae reta güi.

EZEQUIEL 46:18

Mburuvicha agüɨye topɨ̈ro kia nunga vae iɨvɨ. Taɨ reta iɨvɨrä omeeta yave, tomboyao chupe reta iɨvɨ ae güi; jökorai agüɨyeta metei güi ave oñepɨ̈ro iɨvɨ.”

EZEQUIEL 8:17

Jayave yandeYa jei cheve: “Nde kuimbae ¿reecha pa? ¡Mbaetɨ etei yangapɨɨ Judá pegua reta oyapo ikavimbae vae, omotɨnɨe ikavimbae pe kuae ɨvɨ! Jekuaekuae rupi chemboarasɨuka reta; chembopɨayuguaru jeko reta.

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 8:4

Peendu, oñemomichi vae reta re peyuvanga vae reta jare paravete vae reta re peyuvanga vae reta,

MIQUEAS 3:9

Peendu añave kuae, Israel iñemuña juvicha reta, morojäa peröɨro vae reta, opaete teko kavi perokomegua vae reta.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.