MIQUEAS 2:12 - Biblia Guarani Tumpa Iñee

¹² Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

MIQUEAS 2:12 ပူးပေါင်းရင်းမြစ်များ

GÉNESIS 36:33

Bela omano jare Jobab oporookuai jekovia pe, jae ko Zera, Bosra pegua taɨ.

1 CRÓNICAS 1:44

Bela omano yave, Jobab oguapɨ jekovia pe mburuvicha guasurä, jae ko Zera taɨ, Bosra pegua.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 27:12

Jókuae ara yandeYa opovɨvɨ eteita ɨ̈aka Éufrates güive Egipto iɨ̈aka pe, kia oyevɨka trigo re rami; jökorai, pe Israel iñemuña reta peyemboatɨta metei metei rupi.

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

ISAÍAS 5:17

Jare tëta guasu reta oyemboaita vae jendagüe rupi okaruta vecha jare kavara reta; ketɨgua reta omboaita oikokatu vae reta iko.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

EZEQUIEL 34:11

Echa yandeYa Tumpa jei körai: Mase, che etei ajata aeka chevecha reta jare aikuaata.

EZEQUIEL 34:13

Che anoeta tëta reta ñogüɨnoia rupi güi, jare amboatɨta ïru ɨvɨ güi, aruta iɨvɨ ae pe. Ayangarekota jese ɨvɨtɨ reta Israel pegua rupi, ɨ̈aka jembeɨ rupi, opaete ɨvɨ kia yogüɨreko pɨpe vae rupi.

EZEQUIEL 34:22

Ërei che aepɨta chevecha reta. Ngaraa ye ma amaeño peñomi. Aporojäata jupi rupi kavi vecha reta re.

EZEQUIEL 34:31

Pe reta ko jae chevecha reta rami, vecha reta cherɨmba rókai pegua. Che peYa ko jae kuae.”

EZEQUIEL 36:37

Che peYa Tumpa jae körai: Israel iñemuña reta oiporu cheve vae ayapota; amoñemuña retata jeta, vecha reta jeta oñemuña rami.

EZEQUIEL 37:21

Jare ere chupe reta: ‘YandeYa Tumpa jei körai: Mase, anoeta Israel iñemuña reta ïru tëtaguasu reta ipɨte güi jae reta ñogüɨnoia güi, amboatɨ retata oipota rupi güi, aru reta yeta iɨvɨ ae pe.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

AMÓS 1:12

Jáeramo tëta Temán re amoendɨta tata, jare jókuae tata opata oapɨ mburuvicha guasu jo kavi reta tëta Bosra pe.”

MIQUEAS 2:13

Tape oipea vae, ojota jae reta jenonde; jare jae reta yogüɨrajata jaɨkue; jare oë retata tëta guasu jöke rupi. YandeYa, jae reta juvicha guasu ojota opaete vae jenonde.

MIQUEAS 4:8

Nde Jerusalén, jae ko Sión pegua reta imaeka jare ikësea; renoi yeta mbaepuere tenonde yave rami, ndegüi mburuvicha guasu reta oporookuai yeta.”

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

SOFONÍAS 3:20

Jókuae ara pogüeru yeta, pomboatɨta; jare ameeta peyemboeteuka vaerä jare perërakua yaeta opaete tëta ɨvɨ pegua rupi, pogüeru ye ɨvɨ ambuae güi yave.”