MIQUEAS 2:10 - Biblia Guarani Tumpa Iñee

¹⁰ Pepüa jare peguata, kuae peïa mbaetɨ ko mbutuu pegua, echa ikɨa yae oï, oñererokomegua yae ete oï.

MIQUEAS 2:10 ပူးပေါင်းရင်းမြစ်များ

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 CRÓNICAS 7:20

pogüɨnoeta kuae ɨvɨ amee peve vae güi, jare kuae tupao guasu añono tee cheree re vae amombota cheróvai güi, oikota ïru tëta reta oyóyai yóyai vaeräño.

SALMOS 106:38

Opɨyere reta jekombae jugüɨ; taɨ reta jare tayɨ reta jugüɨ, omee reta mbotarä tumpa-raanga Canaán pegua pe. Omongɨa reta jókuae ɨvɨ, jókuae tugüɨ pe,

SALMOS 95:11

Jáeramo, chearasɨ reve jae: ‘Mbaetɨta oike reta mbutuu ameeta vae pe.’ ”

JEREMÍAS 10:18

Echa yandeYa jei: “Añave amondota mombɨrɨ kuae ɨvɨ pegua reta. Aiporarauka yaeta chupe reta, oyandu ete kavi yae reta vaerä.”

JEREMÍAS 3:2

Emae ɨvɨtɨ reta iyapɨte re: ¿Kia nunga re ra mbaetɨ reyapo aguasa? Tape jembeɨ pe reguapɨse reäro reta, Arabiaɨgua reta oporoäro ñuu pe rami, remongɨa tëtaguasu ndeaguasa pota vae rupi, jare ikavimbae reyapo vae rupi.

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

EZEQUIEL 36:17

“Nde kuimbae, Israel iñemuña reta yogüɨreko ramboeve iɨvɨ pe, omongɨa reta jeko ikavimbae pe jare jembiapo reta ikavimbae pe; kuña yasɨ ñavo oiporara vae ikɨa rami cheróvai reta.

EZEQUIEL 36:19

Opa amoai moai reta tëtaguasu reta rupi, ïru ɨvɨ rupi; aiporarauka chupe reta jeko ikavimbae jare jembiapo reta ikavimbae oï rupi.

DEUTERONOMIO 12:9

Echa añave mbaetɨño vɨteri peike mbutuu pe, yandeYa Tumpa omee ɨvɨ pevea pe.

DEUTERONOMIO 30:18

tamombeu kavi voi peve añave: Opata ko pemano; mbaetɨta amaeño peré, peiko puku jókuae ɨvɨ peota peiko pɨpe vae pe, ɨ̈aka Jordán jovaicho kotɨ.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.