MIQUEAS 2:1 - Biblia Guarani Tumpa Iñee

¹ ¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

MIQUEAS 2:1 ပူးပေါင်းရင်းမြစ်များ

GÉNESIS 31:29

Anoi mbaepuere ayapo vaerä ndeve ikavimbae, ërei nderu iTumpa pɨare chemomiari: “Eyeandu, agüɨye nemiari Jacob pe jasɨ katu rupi.”

1 REYES 21:7

Jayave jembireko Jezabel jei chupe: —¡Ërei nde jae ko mburuvicha guasu Israel pegua! Epüa, ekaru pɨagüive. ¡Che ameeta ndeve Nabot, Jezreel pegua iuvarupa!

ESTER 3:8

Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

ESTER 5:14

Jayave jembireko Zeres jare opaete ivɨa-ïru reta jei chupe: —Eyatɨkauka ɨvɨra veintidó metro ɨvate vae, jare pɨareve eiporu mburuvicha guasu pe, Mardoqueo toyeeterasa jese, jökorai ndepɨakatuta reo rekaru mburuvicha guasu ndive. Amán pe ipöra jókuae yemongeta jare oyapouka jei reta chupe rami.

ESTER 9:25

Ërei Ester ou yave mburuvicha guasu jóvai, omee mborookuai jókuae ipɨapochɨ vae oyemongeta oyapota tëi rami, chupe oyeapo vaerä, jökorai Amán jare taɨ reta opa oeterasa ɨvɨra re.

JOB 15:35

Ipurúa rami ikavimbae pe, jare omoë jupimbae, omee ia mborombotavɨ pegua.

JOB 24:14

Oporoyuka vae ndei köe mbove opüa oyuka paravete vae, jare pɨ̈tu yave omaeñomi.

SALMOS 36:4

Jupa pe oyemongeta ikavimbae reño; oiko ikavimbae rupi, mbaetɨ güɨröɨro ikavimbae.

SALMOS 36:5

CheYa, ndeporoparareko oupitɨ ara, jare ndembaejupi oupitɨ amapɨtu.

SALMOS 58:3

Mbaeyoa iyapoa reta, ichɨ jɨe güive voi ma jökorai ou; apu imiari vae reta oa ramo güive voi jökorai.

PROVERBIOS 12:2

Kuimbae jeko kavi vae re, yandeYa iporoparareko, ërei kuimbae iyemongeta kavimbae, jae omokañɨtei.

PROVERBIOS 14:22

Ikavimbae reño oyemongeta reta vae, oyavɨ ko; ërei ikavi vae reño oyemongeta reta vae, yogüɨrekota mboroparareko rupi jare mboromboete rupi.

PROVERBIOS 3:27

Agüɨye neäteɨ emborɨ, yemborɨ oeka vae, ndepuere tëi reporomborɨ reve.

PROVERBIOS 4:16

Echa jae reta mbaetɨ ko oke oyapoä ñogüɨnoi ikavimbae yave; oyembojopeɨä reta mbaetɨ yave kia oitɨ reta.

ISAÍAS 29:20

Echa opata ipɨarai vae reta, jare ipɨayemboete vae reta opata, jare opata okañɨ ikavimbaeño oyemongeta oyapo vaerä vae reta,

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

EZEQUIEL 11:2

YandeYa jei cheve: “Nde kuimbae, jae ko kuae kuimbae reta iyemongeta ikavimbae vae, jae reta ko omboarakuaa kaviä tëta pegua reta.

EZEQUIEL 33:26

Peyerovia pekɨsepuku re, peyapo pɨ̈chɨi vae, metei ñavo peyemongɨa perapicha jembireko ndive peiko vae rupi, jökorai reve, ¿perovia pa peikota kuae ɨvɨ iyarä?’

EZEQUIEL 38:10

CheYa Tumpa jei körai: Jókuae ara reyemongeta pɨ̈chɨi yaeta mbae reyapo vaerä.

EZEQUIEL 46:18

Mburuvicha agüɨye topɨ̈ro kia nunga vae iɨvɨ. Taɨ reta iɨvɨrä omeeta yave, tomboyao chupe reta iɨvɨ ae güi; jökorai agüɨyeta metei güi ave oñepɨ̈ro iɨvɨ.”

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

NAHUM 1:11

Nínive, ndegüi oë Tumpa kotɨ oyemongeta kavimbae; oporomboarakuaa kavimbae vae.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

San Marcos 15:1

Jayave ndeimboveasɨ opa oyemongeta güire sacerdote reta itenondegua reta, tëta guasu pegua reta itenondegua reta, mborookuai re oporomboe vae reta, jare opaete ïru mburuvicha reta oipokua Jesús güɨraja reta Pilato pe omboeterenga.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Hechos 23:12

Jayave pɨareve pe amogüe judío reta oyomboemboe, jare oyepopeyu reve iyé jei mbaetɨta okaru jare mbaetɨta jou ɨ ave, oyuka regua Pablo.

Hechos 23:15

Jáeramo pe reta ïru mburuvicha judío reta ndive peiporu sundaro jeta vae juvicha pe togüeru peróvai Pablo pɨareve. Pe reta peipota peparandu kavi mbae re chupe vae re rami. Jayave ore rokätɨrota roï jese royuka vaerä, ndei ou oväe mbove.

Romanos 1:30

mboroangao pe, yepopeyuse pe, omotareɨ reta Tumpa, mboroyóyai yóyai pe, pɨapochɨ pe, pɨayemboete pe, ipoki yae oyapo reta vaerä ikavimbae vae pe, tu jare ichɨ jeigüe oyapombae vae pe.

DEUTERONOMIO 28:32

Peraɨ jare perayɨ reta oñemeeta perovakei ïru tëta pegua reta pe, peyemombaerasɨta jese reta, ërei ngaraa mbae pepuere peyapo.