MIQUEAS 1:8 - Biblia Guarani Tumpa Iñee

⁸ Kuae re chepɨatɨtɨta jare cheräseta ayaeo, chepɨgüɨraita jare chenandita aguata; cheräse pukuta aiko aguarayaɨmba rami, jare yandu oya ramo vae jäse rami.

MIQUEAS 1:8 ပူးပေါင်းရင်းမြစ်များ

2 REYES 18:13

Ezequías catorce año ma oiko mburuvicha guasurä Judá pe yave, Senaquerib mburuvicha guasu Asiria pegua oporepeña opaete tëta guasu oñekëse kavi vae Judá pegua re, jare opa opɨ̈ro.

ESTER 4:1

Mardoqueo oikuaa kavi ma oyeapogüe yave, omondoro jemimonde reta, jare oyemonde temimonde mbɨatɨtɨ pegua pe, tanimbu oñono iñäka re jare oë tëta guasu rupi ipɨatɨtɨ yae jare oyaeo jäse reve.

JOB 30:29

Ayu apɨta aguarayaɨmba rami, yandu reta ïrurä.

SALMOS 102:6

Surumbukuku ñuu rupigua jaeño vae rami ko che, suinda oñemoëta ogüe reta rupi rami ko che.

ISAÍAS 13:21

Jokoropi oñemoëtata mbaeporou reta ñana rupigua reta, o reta rupi oñemoëtata suindaño, jokoropi oñemoëtata yandu retaño, jare kavara ñana rupigua reta oyuvangata jokoropi.

ISAÍAS 13:22

Mburuvicha jogüe reta pe jare mburuvicha reta jo ikavi reta pe oyaeota aguarayaɨmba retaño. Babilonia iara oyearo yae ma; köi yae ma opa vaerä chugüi.”

ISAÍAS 16:9

Jáeramo, ayaeota tëta Sibma jemitɨ reta re tëta Jazer oyaeo rami, apɨyereta cheresaɨ nderé tëta guasu Hesbón jare Eleale, echa ndembaarɨvo jare ndembaepoo iara pe outa ñeraro.

ISAÍAS 21:3

Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

ISAÍAS 22:4

Jáeramo jae: Pemaeño tayaeo chepɨatɨtɨ yae reve, agüɨye peyemoambeko chembopɨakatu vaerä, kuae cherëta oyemboai vae güi.

ISAÍAS 32:11

Pe, peiko pɨagüive vae reta, perɨrɨi pekɨɨye güi, jare pepɨa kɨɨye, pemboi jókuae peremimonde reta, jare peyemonde temimonde mbɨatɨtɨ pegua pe.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

EZEQUIEL 32:18

“Nde kuimbae, etairari tairari mano pegua pe, jeta vae reta Egipto pegua re; jare emondo jae jare tëtaguasu imbaepuere yae vae pegua reta ɨvɨgüɨ kotɨ, omanogüe reta ñogüɨnoia pe.

MIQUEAS 2:4

Jókuae ara rupi oyeapota ñeerä peregua, jare oyapo retata tairari mbɨatɨtɨ pegua, jei reta reve: ‘Opaetei yayemboaiuka; Tumpa oipoepɨ yandeɨvɨ, ¡kërai opɨ̈ro yandegüi yandeɨvɨ! Omee jare omboyao ïru vae reta pe.’ ”

1 SAMUEL 19:24

Jare omboi jemimonde jare omboɨpɨ omombeu Tumpa iñee, ïru reta rami Samuel jóvai, opaete jókuae ara jare jókuae pɨ̈tu, joko güi oë kuae ñee “¿Saúl vi yera ñeemombeúa?”