MIQUEAS 1:16 - Biblia Guarani Tumpa Iñee

¹⁶ Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

MIQUEAS 1:16 ပူးပေါင်းရင်းမြစ်များ

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

ISAÍAS 15:2

Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

JEREMÍAS 6:26

¡Cherëtaɨgua reta, pemonde temimonde mbɨatɨtɨ pegua, peyapayere tanimbu rupi, peyemonde temimonde mbɨatɨtɨ pegua pe jare peyaeo jasɨ katu yae reve, michia jaevaeño vae omano yave oñeäpiro rami; echa oporomokañɨtei vae outa ete ma yandekotɨ!

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

LAMENTACIONES 2:19

Epüa, esapúkai pɨ̈tu-ɨpɨ güive; nemiari opaete ndepɨa reve yandeYa pe; eupi ndepo ikotɨ jare eyerure chupe nemembɨ reta re, jovaruru ma tëta guasu ikaye rupi vae reta re.

AMÓS 7:11

Echa Amós jei: ‘Jeroboam omanota kɨsepuku pe, jare Israel pegua reta oyererajaukata tembipɨɨrä kuae ɨvɨ güi.’ ”

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

DEUTERONOMIO 28:41

Oimeta peraɨ jare perayɨ, ërei ngaraa yogüɨreko pembaerä, echa opata oyereraja tembipɨɨrä.