San Mateo 9:6 - Biblia Guarani Tumpa Iñee

⁶ Ërei aipota peikuaa: Che Kuimbaerä ayeapo vae anoi mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe: —Epüa evoɨ nderupa, jare ekua nerëta pe.

Nuevo Testamento Guaraní Pe

⁶ Erei aipota peicuaa vaera cuae: Che cuimbaera ayeapo vae chepuere cheɨro quia pe imbaeyoa reta re ɨvɨ pe ai rambueve —jei. Jayave jei cuimbae mbaeti ipuere omɨi vae pe: —Epúa evoɨ nderupa, jare ecua ndero pe.

San Mateo 9:6 ပူးပေါင်းရင်းမြစ်များ

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Mateo 9:2

Jare güeru reta chupe tupa pe metei kuimbae jete jëogüe vae. Jesús oecha jae reta iporogüɨrovia yave, jei jókuae kuimbae jete jëogüe vae pe: —Eñemoäta ngatu cheraɨ. Ndeyoa reta oyemboai ma.

San Mateo 9:5

Echa, ¿mbae pa yavaiä jae vaerä: “Ndeyoa reta oyemboai ma”, ani “epüa jare eguata”?

San Mateo 9:7

Jayave jae opüa, jare oë ojo jëta kotɨ.

San Marcos 2:10

Ërei peikuaa vaerä che Kuimbaerä ayeapo vae anoi ko mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe:

San Marcos 2:7

“¿Maera pa jei körai kuae kuimbae? Jei ko ikavimbae yae vae Tumpa kotɨ. Tumpaño ko ipuere iñɨ̈ro mbaeyoa reta re.”

San Lucas 5:21

Jayave mborookuai re oporomboe vae reta jare fariseo reta ipɨa pe oyemongeta körai: “¿Kia pa ko jei vaerä ikavimbae yae vae Tumpa kotɨ? Tumpaño ko ipuere iñɨ̈ro mbaeyoa reta re.”

San Juan 10:28

Jare amee chupe reta tekove opambae vae, jare ngaraa etei omano reta. Ngaraa kia ipuere opɨ̈ro chegüi.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

San Juan 5:27

Omee vi cheve mbaepuere aporojäa vaerä, che Kuimbaerä ayeapo ramo.

San Juan 5:8

Jayave Jesús jei chupe: —Epüa, evoɨ nderupa jare eguata.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Hechos 9:34

Pedro jei chupe: —Eneas, Jesucristo ndembogüera ma. Epüa eñono kavi nderupa. Jare jupiveiño jae opüa.

2 Corintios 2:10

Pe reta peɨ̈ro yave kia pe mbae re, che vi cheɨ̈ro chupe. Echa cheɨ̈ro chupe, oime mbae re cheɨ̈ro vaerä yave, cheɨ̈ro ko chupe peré Cristo jóvai,

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

Colosenses 3:13

peyogüɨropɨa, peɨ̈ro oyoupe oime yave kia iyarasɨ. Cristo iñɨ̈ro peve rami, jökorai vi pe reta peɨ̈ro.