San Mateo 9:4 - Biblia Guarani Tumpa Iñee

⁴ Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

Nuevo Testamento Guaraní Pe

⁴ Erei Jesús oicuaa jae reta iñemongueta, jare jei chupe reta: —¿Maera pa penoi pepɨa pe ñemongueta icavi mbae vae reta?

San Mateo 9:4 ပူးပေါင်းရင်းမြစ်များ

SALMOS 139:2

nde reikuaa kavi opaete ayapogüe, mombɨrɨ güi nde reikuaa cheyemongeta.

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

EZEQUIEL 38:10

CheYa Tumpa jei körai: Jókuae ara reyemongeta pɨ̈chɨi yaeta mbae reyapo vaerä.

San Mateo 12:25

Jesús oikuaa fariseo reta iyemongeta jare jei chupe reta: “Metei mborookuaía pegua reta oyovaicho oyoupii yave, oyomboaita ko; jaeramiño vi metei tëta pegua reta ani metei o pegua reta oyovaicho oyoupii yave, opata ko oyomboai.

San Marcos 12:15

Ërei Jesús oikuaa jae reta oipota ko ombotavɨ ramo, jei chupe reta: —¿Maera pa peipota peyavɨuka cheve? Peru taecha metei korepoti reare.

San Marcos 2:8

Jare Jesús oikuaa voi ipɨa pe jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Lucas 11:17

Ërei Jesús oikuaa jae reta iyemongeta, jare jei chupe reta: “Metei mborookuaía pegua reta oyovaicho oyoupii yave, oyemboaita ko; jaeramiño vi metei o pegua reta oyovaicho oyoupii yave, opata ko oyomboai.

San Lucas 5:22

Ërei Jesús oikuaa jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Lucas 6:8

Ërei Jesús oikuaa jae reta iyemongeta. Jei kuimbae ipo jovaicho tɨpa vae pe: —Epüa eyemboɨ mbɨte pe. Jayave kuimbae opüa oyemboɨ.

San Lucas 7:40

Jayave Jesús jei fariseo pe: —Simón, aipota mbae jae ndeve. —Ere cheve, oporomboe vae —jei chupe.

San Juan 16:19

Jesús oikuaa jae reta oipota tëi oparandu chupe kuae re. Jáeramo jei chupe reta: —Che jae peve körai: “Michi peguaño ma pe reta chereechata. Ërei ɨmambae chereecha yeta.” Jare peparandu peï oyoupe mbae ra oipota jei kuae che jae peve vae.

San Juan 16:30

Añave roikuaa nde reikuaa ko opaete mbaembae vae, jare mbaetɨ reeka kia oparandu vaerä ndeve mbae re. Kuae jeko pegua rogüɨrovia nde reyu ko Tumpa güi vae.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

San Juan 6:61

Jesús oikuaa jupiegua reta iñeenguru ko jókuae ñee re yave, jei chupe reta: —¿Jaekaviä pa peve kuae jae vae?

San Juan 6:64

Ërei amogüe pegüi reta mbaetɨ perovia cheré. Echa Jesús oikuaa iyɨpɨ güive kia reta mbaetɨ güɨrovia jese jare kia ko omeeta jovaicho reta pe vae.

Hechos 5:9

Jare Pedro jei chupe: —¿Maera pa pe reta peyomborɨ katu pejäa vaerä yandeYa iEspíritu? Mase, ko öke pe ma yogüeru neme iñotɨa reta. Ndereraja retata vi.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.