San Mateo 9:35 - Biblia Guarani Tumpa Iñee

³⁵ Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

Nuevo Testamento Guaraní Pe

³⁵ Jare Jesús ojo opaete tenta tuicha vae reta jare tenta michi vae reta rupi, jare oporomboe judío reta itupao ñavo pe. Omombeu ñee icavi vae Tumpa iporoocuaia pegua, jare ombogüera imbaerasɨ vae reta oipotagüe mbaerasɨ güi.

San Mateo 9:35 ပူးပေါင်းရင်းမြစ်များ

San Mateo 10:1

Jesús oenɨi jókuae doce jemimboe reta, jare omee chupe reta mbaepuere ombosɨrɨ vaerä aña reta, oya jese vae reta güi jare ombogüera vaerä imbaerasɨ vae reta oipotagüe mbaerasɨ güi.

San Mateo 11:1

Jare Jesús opa ma omboe kavi jókuae doce jemimboe reta yave, jae ojo joko güi oporomboe vaerä jare omombeu vaerä Tumpa iñee jókuae ɨvɨ pegua tëta guasu reta rupi.

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Marcos 1:14

Juan oñoña reta ma yave tembipɨɨrɨru pe, ojo Jesús Galilea pe, jare omombeu ñee ikavigüe vae Tumpa iporookuaía regua.

San Marcos 6:56

Jare Jesús ojoa rupi: Tëta raɨ reta rupi, tëta guasu reta rupi ani iyɨvɨrigua tëta reta rupi, joko pegua reta güeru oñono imbaerasɨ vae reta tape rupi, jare omoñera reta Jesús omaeño vaerä imbaerasɨ vae reta opoko jemimonde jembeɨ re yepe. Jare opaete opoko reta jese vae okuera opɨta.

San Marcos 6:6

Jare Jesús ipɨakañɨ jese reta, mbaetɨ güɨrovia jese ramo. Jayave Jesús ojo oporomboe ïru tëta reta jokoropi ñogüɨnoi vae reta rupi.

San Lucas 13:22

Jare Jesús ojo ramboeve Jerusalén kotɨ, oasa tëta guasu reta rupi jare tëta raɨ reta rupi oporomboe reve jokoropi.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.