San Mateo 9:24 - Biblia Guarani Tumpa Iñee

²⁴ Jayave jei chupe reta: Peë ikatu pe. Echa kuae kuñatai omanoä ko. Okeño ko oï. Ërei joko pe ñogüɨnoi vae reta oyóyai Jesús.

Nuevo Testamento Guaraní Pe

²⁴ Jayave jei chupe reta: —Pecua icatu pe. Cuae cuñatai mbaeti co omano. Oqueño co oi —jei. Erei joco pe ñogüɨnoi vae reta oyóyai Jesús.

San Mateo 9:24 ပူးပေါင်းရင်းမြစ်များ

JOB 12:4

Che ko kuimbae jekombae jare jupi vae, tenonde rupi Tumpa oendu yepi ko cheyerure, ërei jeseve añave chevɨa-ïru reta cheyóyai yóyai.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

San Marcos 5:40

Ërei jae reta oyóyai. Jayave Jesús omoë opaete vae oka pe, jare güɨroike kuñatai oïa pe kuñatai tu jare ichɨ, jare jemimboe jae ndive yogüɨraja vae reta.

San Lucas 8:53

Ërei jae reta oyóyai. Echa oikuaa reta omano ko.

San Juan 11:4

Jesús kuae oikuaa yave, jei: —Kuae mbaerasɨ mano peguaä ko, Tumpa oyemboeteuka vaerä ko. Jare Tumpa Taɨ oyemboeteuka vaerä.

Hechos 20:10

Jayave Pablo ogüeyɨ jare oyapakua kunumi re, oiküava jare jei: —Agüɨye pekɨɨye, oikove ko oï.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.