San Mateo 9:23 - Biblia Guarani Tumpa Iñee

²³ Jesús oike mburuvicha jo pe yave, oecha oyemimbɨ vae reta jare jäsémbai oyaeo ñogüɨnoi vae reta.

Nuevo Testamento Guaraní Pe

²³ Jare Jesús oique mburuvicha jo pe yave, oecha oñemimbɨ vae reta jare jeta joco pe yatɨ vae reta omboɨapu yae ñogüɨnoi.

San Mateo 9:23 ပူးပေါင်းရင်းမြစ်များ

2 CRÓNICAS 35:25

Jare Jeremías oyapo metei tairari mbɨatɨtɨ pegua Josías imano re. Opaete kuimbae jare kuña oikatu otairari vae reta omboaɨkuere kuae tairari reta mbɨatɨtɨ pegua Josías re añave rupi. Kuae tairari oñejäa opaete Israel pe jare oime oyekuatía oï tairari reta mbɨatɨtɨ pegua oyekuatiaa pe.

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

San Mateo 11:17

jei reve: ‘Royemimbɨ ma peve, ërei pe reta pepɨraeä. Rotairari mbɨatɨtɨ pegua, ërei pe reta peyaeoä.’

San Lucas 7:32

Jae reta ko oka guasu pe michia reta oguapɨ ñogüɨnoi vae reta rami. Jare osapúkai reta oyoupe körai: Royemimbɨ ma peve, ërei pe reta pepɨraeä. Rotairari mbɨatɨtɨ pegua, ërei pe reta peyaeoä.

Hechos 20:10

Jayave Pablo ogüeyɨ jare oyapakua kunumi re, oiküava jare jei: —Agüɨye pekɨɨye, oikove ko oï.

Hechos 9:39

Jayave Pedro opüa ojo jae reta ndive. Jare ou oväe yave, ïru vae reta güɨraja o ɨvategua pe. Joko pe opaete imemano vae reta yatɨ oyaeo ñogüɨnoi, jare oechauka Pedro pe temimonde Dorcas jae reta ndive oiko yave oyapo vae.

Apocalipsis 18:22

Ngaraa ye ma oyeendu arpa reta ipu, mimbɨñee reta, mimbɨguasu iñee reta; jaeramiño vi ipoki ombaapo vae reta ngaraa ye ma oime ndepɨpe ani ombaeso vae reta ave ngaraa ye ma oyeendu ndepɨpe.