San Mateo 9:2 - Biblia Guarani Tumpa Iñee

² Jare güeru reta chupe tupa pe metei kuimbae jete jëogüe vae. Jesús oecha jae reta iporogüɨrovia yave, jei jókuae kuimbae jete jëogüe vae pe: —Eñemoäta ngatu cheraɨ. Ndeyoa reta oyemboai ma.

Nuevo Testamento Guaraní Pe

² Jayave amogüe vae güeru metei cuimbae imbaerasɨ vae. Cuae cuimbae mbaeti ipuere omɨi. Oñeno oi jupa pe. Jesús cuae oecha yave, oicuaa jae reta güɨrovia co jese, jare jei cuimbae mbaeti ipuere omɨi vae pe: —Eyerovia, cherɨvɨ. Nembaeyoa reta oñemboai ma —jei.

San Mateo 9:2 ပူးပေါင်းရင်းမြစ်များ

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

San Mateo 14:27

Ërei jupiveiño Jesús ombou iñee chupe reta jei reve: —¡Agüɨye pekɨɨye, che ko!

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Mateo 8:10

Jare Jesús kuae oendu yave, ipɨakañɨ yae, jare jei yogüɨraja jupíe vae reta pe: —Añete che jae peve, mbaetɨ kuae nunga mborogüɨrovia tuicha vae aväe Israel pe ave.

San Mateo 8:16

Jare pɨ̈tu ma yave, güeru reta Jesús pe jeta aña oya jese vae reta. Jare Jesús iñee peño ombosɨrɨ aña reta oya jese vae reta güi, jare ombogüera opaete imbaerasɨ vae.

San Mateo 9:22

Ërei Jesús oyerova omae jese, jare jei chupe: —Eñemoäta ngatu cherayɨ. Rerovia cheré ramo rekuera. Jare jupivei jókuae kuña okuera.

San Mateo 9:5

Echa, ¿mbae pa yavaiä jae vaerä: “Ndeyoa reta oyemboai ma”, ani “epüa jare eguata”?

San Mateo 9:6

Ërei aipota peikuaa: Che Kuimbaerä ayeapo vae anoi mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe: —Epüa evoɨ nderupa, jare ekua nerëta pe.

San Marcos 1:32

Jókuae pɨ̈tu, kuaraɨ oike ma yave, güeru reta Jesús pe imbaerasɨ vae reta jare aña oya jese vae reta.

San Marcos 10:49

Jayave Jesús oyemboɨ, jare oenɨiuka; jayave oenɨi reta jesambae, jei reta chupe: —Eñemoäta ngatu. Epüa. Nereenɨi ma oï.

San Marcos 5:34

Jayave Jesús jei chupe: —Cherayɨ, rekuera ma, rerovia cheré ramo. Ekua ndepɨakatu reve. Rekuera ma ko reiporara vae güi.

San Marcos 6:50

Echa opaete jae reta oecha, jare okɨɨye yae reta. Ërei jupiveiño Jesús ombou iñee chupe reta, jei: —¡Agüɨye pekɨɨye, che ko!

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

San Juan 21:5

Jayave Jesús jei chupe reta: —Cheraɨ reta, ¿oime pa mbae penoi yau vaerä? Jae reta jei chupe: —Mbaetɨ.

Hechos 14:9

Kuae kuimbae oendu Pablo imiari oï. Jare Pablo omae ngatu jese, jare oecha güɨrovia ipuere vaerä okuera.

Hechos 19:12

Echa ïru vae reta güɨraja yave Pablo ipañuera ani mbae nunga jemimonde omboya imbaerasɨ vae reta re yave okuera, jare aña reta osɨrɨ oya jese vae reta güi.

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

Santiago 2:18

Güɨramoi kia jeita: “Nde renoi mborogüɨrovia jare che oyekuaa cherembiapo reta.” Eechauka cheve ndeporogüɨrovia oyekuaambae reve nderembiapo reta. Jare che aechaukata ndeve cheporogüɨrovia cherembiapo reta rupi.