San Mateo 9:13 - Biblia Guarani Tumpa Iñee

¹³ Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

Nuevo Testamento Guaraní Pe

¹³ Pecua peñemboe mbae oipota jei cuae: “Aipota peporoparareco vaera, mbaeti maemɨmba oyeyucagüe reta perocuavee vaeraño”. Echa che ayu aeni vaera iyoa vae reta, mbaeti jupi vae reta —jei.

San Mateo 9:13 ပူးပေါင်းရင်းမြစ်များ

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

OSEAS 6:6

Echa aipota cheraɨu avei, aipota peikuaa kavi cheregua, mɨmba oyeyukagüe pemee cheve vae güi; mbaetɨ aipota mɨmba oyeyukagüe opaetei oyeapɨ vaeño.

San Mateo 12:3

Ërei Jesús jei chupe reta: —¿Mbaetɨ pa pemongeta David oyapogüe regua, kërai jae jare jae ndive ñogüɨnoi vae reta iyɨmbɨaɨ yave vae regua?

San Mateo 12:5

Jare ¿mbaetɨ pa pemongeta mborookuai pe, kërai ara mbutuu pe sacerdote reta tupao pe ñogüɨnoi vae reta oyapo agüɨyeta tëi oyapo vae? Ërei mbaetɨ oyemboeko.

San Mateo 12:7

Ërei peikuaa yave mona mbae ko oipota jei: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Jökorai yave, ngaraa tëi pemboeko jekombae reta.

San Mateo 19:4

Jayave Jesús jei chupe reta: —¿Mbaetɨ pa pemongeta Tumpa Iñee pe, kërai iyɨpɨ ete pe Tumpa oyapo ko kuimbae jare kuña?

San Mateo 21:42

Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 3:8

peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae.

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Marcos 12:26

Omanogüe reta oikove yeta vae regua ¿mbaetɨ pa pemongeta Moisés oikuatiagüe pe?, kërai Tumpa jei Moisés pe jókuae yai jendɨ vae güi: “Che ko jae, Abraham, Isaac jare Jacob iTumpa.”

San Marcos 12:33

Jare yaaɨu yave Tumpa opaete yandepɨa ndive, opaete yanderekove ndive, opaete yandeyemongeta ndive jare opaete ñanepɨ̈rata ndive, jare yaaɨu yave yanderapicha yande yayeaɨu rami, jókuae ikavi opaete mɨmba oyeyuka opaetei oyeapɨ vae jare ïru mɨmba reta oyeyuka Tumpa pe oñemee vae güi.

San Marcos 2:17

Jesús kuae oendu yave, jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka. Che ayu aeka vaerä iyoa vae reta. Mbaetɨ ayu aeka jupi vae reta.

San Lucas 10:26

Jayave Jesús jei chupe: —¿Mbae pa oyekuatía oï mborookuai pe? ¿Mbae pa remongeta joko pe?

San Lucas 19:10

Echa che Kuimbaerä ayeapo vae ayu aeka vaerä jare amboasa vaerä okañɨ Tumpa güi vae reta.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Lucas 5:31

Jayave Jesús jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka.

San Lucas 5:32

Mbaetɨ ko ayu aeka vaerä jupi vae reta. Ayu ko aeka iyoa vae reta, oeya vaerä iyemongeta ikavimbae vae ipɨa pe güɨnoi vae.

San Juan 10:34

Jayave Jesús jei chupe reta: —Mborookuai penoi vae pe oyekuatía oï körai: “Pe reta ko jae tumpa reta.”

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.