San Mateo 8:9 - Biblia Guarani Tumpa Iñee

⁹ Echa oime mburuvicha mbaepuere güɨnoi cheré vae. Jare che anoi vi mbaepuere sundaro reta re. Che jae yave metei sundaro pe: “Ekua”, jare ojo. Ani jae yave ïru sundaro pe: “Eyu”, jare ou. Jare cherembiokuai pe jae yave: “Eyapo kuae”, jae oyapo.

Nuevo Testamento Guaraní Pe

⁹ Echa oime mburuvicha mbaepuere güɨnoi cheré vae reta. Jae ramiño vi che anoi mbaepuere sundaro reta re. Che jae metei sundaro pe: Ecua, jare jae ojo. Jae ramiño vi che jae iru sundaro pe: Eyu, jare jae ou. Jae ramiño vi che jae cherembiócuai pe: Eyapo cuae, jare jae oyapo —jei.

San Mateo 8:9 ပူးပေါင်းရင်းမြစ်များ

SALMOS 119:91

Neñee rupi jekuaeño yogüɨreko opaete mbaembae reta, echa opaete jókuae reta oiko nde rerea re.

SALMOS 148:8

¡Ama-tiriri jare amandau, iroɨ jare ɨ̈vɨti! ¡Ama ɨvɨtuai reve vae, oyapo Tumpa jei vae!

San Mateo 8:10

Jare Jesús kuae oendu yave, ipɨakañɨ yae, jare jei yogüɨraja jupíe vae reta pe: —Añete che jae peve, mbaetɨ kuae nunga mborogüɨrovia tuicha vae aväe Israel pe ave.

San Mateo 8:8

Ërei jókuae cien sundaro vae juvicha jei chupe: —CheYa, agüɨye ekua eike chero pe, echa mbaeä ko che. Ndepuere rere kuae güiño cherembiokuai okuera vaerä jare okuerata ko.

San Marcos 1:27

Jare opaete oecha vae reta ipɨakañɨ, jare oparandu oyoupe: —¿Mbae pa ko kuae oyapo vae? ¡Mboromboe ipɨau mbaepuere reve vae! Echa mbaepuere reve jei aña reta osɨrɨ vaerä oya jese vae reta güi, jare jae reta oyapo jae jei vae.

San Lucas 4:39

Jayave Jesús itindɨ ikotɨ, jare oñeengata taku pe. Jayave jaku opɨta chugüi. Jupiveiño kuña opüa jare omee mbae jou reta.

San Lucas 7:8

Echa oime mburuvicha mbaepuere güɨnoi cheré vae. Jare che anoi vi mbaepuere sundaro reta re. Che jae yave metei sundaro pe: ‘Ekua’ jare jae ojo. Ani jae yave ïru sundaro pe: ‘Eyu’ jae ou. Jare cherembiokuai pe jae yave: ‘Eyapo kuae’, jae oyapo.”

San Lucas 9:1

Jesús opa omboatɨ jókuae doce jemimboe reta, jare omee chupe reta mbaepuere ombosɨrɨ vaerä aña reta oya jese vae reta güi jare ombogüera vaerä imbaerasɨ vae reta.

Colosenses 3:22

Tembiokuai reta, peñeereendu katu peya reta ɨvɨ pegua pe. Agüɨye peyeokuai omae oï peré yaveño, jókuae ikɨ̈reɨ omboyerovia vaerä vae reta rami. Jaeño pepɨa-kɨ̈reɨ ngatu reve, jare peipoɨu reve Tumpa güi.

Tito 2:9

Emboarakuaa tembiokuai reta yogüɨreko vaerä iya jeia re, tomboyerovia iya opaete mbae pe, agüɨye toyaka iya;