San Mateo 7:6 - Biblia Guarani Tumpa Iñee

⁶ Agüɨye pemee oñeñono tee Tumpa peguarä vae yaɨmba reta pe. Jaeramiño vi agüɨye peñono ita ipöra vae reta kuchi reta ñogüɨnoia rupi. Echa opɨ̈rota ko jese reta jare güɨramoi oyerovata pesuu vaerä.

Nuevo Testamento Guaraní Pe

⁶ Agüɨye pemee mbae oñeñono tee Tumpa peguara vae ñaɨmba reta pe. Jae ramiño vi agüɨye peñono ita ipora yae vae reta cuchi reta jóvai. Echa jocorai peyapo yave, opɨro retata jese reta jare güɨramoi oyerovata pesuu vaera —jei—.

San Mateo 7:6 ပူးပေါင်းရင်းမြစ်များ

PROVERBIOS 11:22

Moäka-vera oro pegua kuchi itï re oñeñono rami ko, kuña maepöra yae vae mbaetɨ arakuaa güɨnoi vae.

PROVERBIOS 23:9

Agüɨye emboarakuaa yarakuaambae, echa güɨröɨrota ko ndeyemongeta kavi reta.

PROVERBIOS 26:11

Yaɨmba jou ye igüëegüe rami ko, yarakuaambae oyerova ye yave jeko kotɨ.

PROVERBIOS 26:4

Agüɨye etei yarakuaambae pe emoë neñee jae jei rami, agüɨye vaerä nde vi reiko jae rami.

San Mateo 15:26

Ërei Jesús jei chupe: —Mbaetɨ jaekavi ñapɨ̈ro vaerä mbɨyape michia reta güi, jare ñamee yaɨmba reta pe.

San Mateo 24:10

Jare jeta vae oyerova yeta Tumpa güi, oñomee retata jare oñomotareɨta.

San Mateo 7:5

¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

2 Corintios 11:26

Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

Filipenses 3:2

Peyeandu jókuae yaɨmba reta güi, peyeandu oporomboe kavimbae reta güi, peyeandu oporombocircuncida vae reta güi.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 6:6

jare opa oa ye reta, yavai yae ko oyerova pɨau ye vaerä, echa oikutuuka ye Cristo rami ko jare oyoyaiuka ye rami.

2 Pedro 2:22

Echa oyembopo ko jese reta ñee arakuaa pegua jei yave: “Yaɨmba jou ye igüëegüe, jare kuchi oyeyoegüe oyapayere ye tuyuapo pe.”

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.