San Mateo 7:5 - Biblia Guarani Tumpa Iñee

⁵ ¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

Nuevo Testamento Guaraní Pe

⁵ Nde co jae oporombotavɨ vae. Eequi rani ɨtɨ tuicha vae nderesa güi. Jayave remae cavita ndepuere vaera reequi ɨtɨ michi vae neiru jesa güi —jei—.

San Mateo 7:5 ပူးပေါင်းရင်းမြစ်များ

San Mateo 22:18

Ërei Jesús oikuaa jae reta iyemongeta ikavimbae vae ramo jei chupe reta: —¿Maera pa peipota peyavɨuka cheve? jova mókoi vae reta.

San Mateo 7:3

Agüɨye emae ɨtɨ michi vae nerëtara jesa pe oï vae re, mbaetɨ reve remae ɨvɨra nderesa pe renoi vae re.

San Mateo 7:4

Ngaraa ndepuere rere nerëtara pe: ‘Tëtara, taekɨ nderesa güi jókuae ɨtɨ michi vae.’ Echa nde renoi ɨvɨra nderesa pe.

San Mateo 7:6

Agüɨye pemee oñeñono tee Tumpa peguarä vae yaɨmba reta pe. Jaeramiño vi agüɨye peñono ita ipöra vae reta kuchi reta ñogüɨnoia rupi. Echa opɨ̈rota ko jese reta jare güɨramoi oyerovata pesuu vaerä.

San Lucas 12:56

¡Jova mókoi vae reta! Peikuaa mbae oasata vae. Ërei mbaetɨ etei peikuaa mbae añave oasa oï vae.

San Lucas 13:15

Jayave yandeYa jei chupe: —Jova mókoi vae reta. ¿Pe reta peyoraä pa peraja pemboɨu pegüeye ani pemburika ara mbutuu pe?

San Lucas 4:23

Jayave Jesús jei chupe reta: —Arovia pereta cheve jókuae ñee jei vae: “Nde ko jae metei oporopoano vae. Jáeramo eñepoano.” Echa roikuaa jeta mbaembae reyapo Capernaum pe, eyapo vi kuae ndeɨvɨ pe.

San Lucas 6:42

Ngaraa ndepuere rere nerëtara pe: ‘Tëtara, taekɨ nderesa güi jókuae ɨtɨ michi vae.’ Nde renoi reve ɨvɨra nderesa pe. ¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

Hechos 19:15

Ërei aña jei chupe reta: “Che aikuaa ko Jesús, jare aikuaa katu kia ko jae Pablo. Ërei ¿pe reta pa ko kia?”