San Mateo 7:26 - Biblia Guarani Tumpa Iñee

²⁶ Ërei oime kia oyeapɨsaka cheré vae mbaetɨ oyapo che jae chupe oyapo vaerä vae yave, tambojaanga metei kuimbae iyarakuaambae vae omopüa jorä ɨvɨkuitï re vae re.

Nuevo Testamento Guaraní Pe

²⁶ Erei oime yave quia oyeapɨsaca cheré vae, mbaeti yave oyapo che jae chupe oyapo vaera vae, jae co metei cuimbae mbaeti iyaracuaa vae jora oyapo vae rami. Echa cuimbae mbaeti iyaracuaa vae oyapo jora ɨvɨcuiti re —jei—.

San Mateo 7:26 ပူးပေါင်းရင်းမြစ်များ

JOB 22:16

Jae reta omano jarembae, ɨporu opa imbaembae güɨraja rami.

PROVERBIOS 14:1

Kuña yarakuaa vae, omopüa kavi jorä; ërei kuña yarakuaambae, jae etei opa omboai.

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Mateo 7:25

Jayave tuicha okɨ, jare täta vi ɨvɨtu, jare ɨ jeta ou oyererokua jókuae o re, Ërei mbaetɨ oitɨ. Echa oñemopüa oï metei itape re.

San Mateo 7:27

Jayave tuicha okɨ, jare täta vi ɨvɨtu, jare ɨ jeta ou oyererokua jókuae o re, jare opa oitɨ; opaetei oyemboai.”

San Lucas 6:49

Ërei oyeapɨsaka cheré vae mbaetɨ oyapo che jae chupe oyapo vaerä vae yave, jae ko kuimbae omopüa jorä iguapɨkambae ɨvɨ re vae rami. Jare ɨporu ou yave oyererokua tätagüe jókuae o re yave jupiveiño oitɨ; jare opaetei oyemboai jókuae o.”

Santiago 2:20

Yarakuaambae vae, ¿reipota pa aikuaauka vaerä ndeve? Mborogüɨrovia jembiapo reta oyekuaambae vae, mbaeä etei ko.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.