San Mateo 7:21 - Biblia Guarani Tumpa Iñee

²¹ Ngaraa opaete: ‘CheYa, cheYa’ jei cheve vae oike araɨgua mborookuaía pe. Jaeño oiketa cheRu ara pe oï vae jemimbota oyapo vae.

Nuevo Testamento Guaraní Pe

²¹ Jeta vae jeita cheve: CheYa, cheYa. Erei amogüe jocorai jei vae ngaraa yogüɨreco mboroocuaia ara pegua pe. Echa jaeño cheRu ara pe oi vae jemimbota oyapo vae reta yogüɨrecota joco pe —jei—.

San Mateo 7:21 ပူးပေါင်းရင်းမြစ်များ

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 18:19

Jare che jae ye peve, mókoi pegüi reta omometei yave iyemongeta kuae ɨvɨ pe oiporu vaerä oipotagüe mbae cheRu ara pe oï vae pe, jae omeeta ko chupe reta oyerure chupe jese vae.

San Mateo 18:3

Jare jei: —Añete che jae peve, mbaetɨ yave peyeapo jare peiko michia reta rami, ngaraa peike araɨgua mborookuaía pe.

San Mateo 18:35

Jökoraita vi cheRu ara pe oï vae oyapo pe ndive, mbaetɨ peɨ̈ro yave opaete pepɨa reve perëtara ombaeyavɨ pekotɨ vae pe.

San Mateo 19:24

Che jae ye peve, yavai yae ko oikokatu vae oike vaerä Tumpa iporookuaía pe, yuu jesakua rupi camello oasa vae güi.

San Mateo 25:10

Jare jókuae kuñatai reta opa ramboeve yogüɨraja ogua asaite, ou oväe jókuae kuimbae omendata vae. Jare kuñatai iyarakuaa vae reta oike jae ndive mendaa pe. Jayave öke oyeokenda.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Mateo 26:42

Jayave Jesús ojo ye oyerure mokoía ma: “CheRu, nde reipota yave aiporara vaerä, toyeapo cheve nde rere vae.”

San Marcos 3:35

Opaete Tumpa jemimbota oyapo vae reta ko jae cherɨvɨ, chereindɨ jare chesɨ.

San Marcos 9:47

Jaeramiño vi nderesa jovaicho oyapouka yave mbaeyoa ndeve, eekɨ ndeyeugüi. Jaekaviño ko reiko vaerä Tumpa iporookuaía pe nderesa jovaichombae reve, tata guasu pe mókoi nderesa reve reo vaerägüe güi.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

San Lucas 18:25

Echa camello yavaiä oike yuu jesakua rupi oikokatu vae oike vaerä Tumpa iporookuaía pe vae güi.

San Lucas 6:46

¿Maera pa pere cheve: ‘OreYa, oreYa.’ Peyapombae reve che jae peve peyapo vaerä vae?

San Juan 14:7

Chekuaa kavi yave mona, peikuaata tëi vi ko cheRu. Ërei añave güive peikuaa ko. Echa peecha ma.

San Juan 15:23

Chemotareɨ vae, omotareɨ ko cheRu.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Romanos 2:13

echa Tumpa jóvai mbaetɨ ko jupi mborookuai oenduiño vae reta, mborookuai jei vae oyapo vae reta ko Tumpa ombojupita.

Efesios 6:6

Agüɨye peyeokuai kavi peya reta pe jae omae oï yaveño, jare pemboyerovia vaeräño. Peyeokuai chupe, Cristo pe peyeokuai rami, pepɨakatu reve peyapo Tumpa jemimbota.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

1 Tesalonicenses 4:3

Echa Tumpa jemimbota ko peñeñono tee vaerä chupeguarä. Peyembosɨrɨ vaerä aguasa güi;

1 Tesalonicenses 5:18

Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Hebreos 4:6

Yaikuaa ko mbaetɨño oike mbutuu pe vae, echa tenonde voi ma omoërakua ñee ikavi vae chupe vae reta mbaetɨ oike reta iñeereendúä jeko pegua.

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

1 Pedro 2:15

Echa Tumpa jemimbota jae ko ikavi vae peyapo vae rupi pemokïrii iyarakuaambae vae reta.

1 Pedro 4:2

agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

Apocalipsis 2:27

Jare oyokuaita metei popoka jiero pegua pe, jare tëtaguasu reta opata oyeka yeka ɨru ñaeu pegua rami. CheRu omee cheve etei mbaepuere vae rami;

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 3:5

Oporomoamɨri vae pe ameeta temimonde tïi vae omonde, jare ngaraa amboai jee tembikuatía tekove pegua güi, aikuaaukata cheRu jóvai jare iaraɨgua reta jóvai.