San Mateo 6:5 - Biblia Guarani Tumpa Iñee

⁵ Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

Nuevo Testamento Guaraní Pe

⁵ Jare reyerure Tumpa pe yave, agüɨye eyapo oporombotavɨ vae reta oyapo rami. Echa jae reta oyerure Tumpa pe yave, oipota yae iru vae reta oecha vaera. Jae rambue oñemboɨ judío reta itupao reta pe jare calle reta pe oyerure Tumpa pe yave. Añete che jae peve, jocuae oporombotavɨ vae reta güɨnoi ma imbaera jocorai oyapo rambue —jei—.

San Mateo 6:5 ပူးပေါင်းရင်းမြစ်များ

SALMOS 5:2

Eyeapɨsaka kuae chesapúkai oyeendu vae re, cheRuvicha guasu jare cheRu Tumpa, echa ndeve ayerure.

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 16:5

YandeYa pe ikaviä yae ko, opaete ipɨayemboete vae, ngaraai opɨta oiporarambae.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

JEREMÍAS 29:12

Jayave pe reta chereenɨita jare peyerureta cheve, jare che aenduta peve;

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

San Mateo 21:22

Jare opaete mbae re peyerure Tumpa pe perovia reve vae, penoita ko.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Mateo 23:6

Mbareaa pe, omomora yae oguapɨ tenonde voi, jare judío reta itupao pe tenondegua ete tenda pe.

San Mateo 6:1

Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Mateo 9:38

Jáeramo pe reta, pemoñera yandeYa, omondo vaerä oparavɨkɨ vae reta ombaarɨvo vaerä.

San Marcos 11:25

Jare peyerure peï Tumpa pe yave, peɨ̈ro ïru vae pe, oime yave maratu, peRu ara pe oï vae iñɨ̈ro vaerä vi peve peyoa reta re.

San Marcos 12:38

Jare Jesús iporomboe rupi, jei chupe reta: “Peyeandu mborookuai re oporomboe vae reta güi. Echa jae reta omomora oguata jemimonde puku reve, jare omomora ïru vae reta oyapo vaerä chupe reta maraetei oka guasu rupi,

San Lucas 11:43

¡Paravete, pe fariseo reta! Echa pemomora peguapɨ tenda tenondegua pe judío reta itupao pe, jare pemomora ïru vae reta oyapo vaerä maraetei peve oka guasu rupi.

San Lucas 18:1

Jare Jesús imiari ye jemimboe reta pe ombojaanga reve. Omboe vaerä kërai ikavi ko oyerure avei vaerä Tumpa pe jare agüɨye vaerä ikuérai.

San Lucas 18:13

Ërei jókuae mburuvicha peguarä okovara vae oyemboɨ oï mombɨrɨño, mbaetɨ ikɨ̈reɨ jovaɨva kërai yepe ara kotɨ. Jaeño okua okua ipɨtía re jei reve: ‘CheRu Tumpa, cheparareko. Echa che cheyoa vae ko.’

San Lucas 20:47

Jare jae reta opɨ̈ro imemano vae reta güi opaete imbaembae, jare oyereroviauka vaerä puku oyerure reta Tumpa pe añetegüe nunga. Jáeramo oiporara yae retata ko.”

San Lucas 6:24

Ërei, ¡paravete, pe peikokatu vae reta! Echa peyerovia ma.

San Juan 16:24

Ndeiño peiporu mbae cheree re. Peiporu jare oñemeeta peve, jökorai peyerovia yae vaerä.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

1 Tesalonicenses 5:17

Peyerure avei pekueraimbae reve.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”