San Mateo 6:26 - Biblia Guarani Tumpa Iñee

²⁶ Pemae güɨra reta re. Kërai jae reta mbaetɨ tëi omaetɨ jare ombaarɨvo. Mbaetɨ tëi vi iyavatío. Ërei peRu ara pe oï vae omongaru reta. ¿Pe retaa pa ko Tumpa peraɨu yae chugüi reta vae?

Nuevo Testamento Guaraní Pe

²⁶ Pemae güɨra reta re. Jae reta mbaeti omaetɨ jare mbaeti vi ombaarɨvo. Mbaeti vi oñovatu avati avatío pe. Erei peRu ara pe oi vae omongaru reta. Jare Tumpa peraɨu yae güɨra reta güi —jei—.

San Mateo 6:26 ပူးပေါင်းရင်းမြစ်များ

GÉNESIS 6:21

Eraja jeta oipotagüe tembíu, jare eñovatu, pepuere vaerä peu jare mɨmba reta vi.”

JOB 35:11

oporomboe mɨmba reta rupi vae, oporomboarakuaa güɨra reta rupi vae.

JOB 38:41

¿Kia pa omee uruapúa reta okaru vaerä, imembɨ raɨ reta jäse chekotɨ yave, jare oguata reta oipota rupi yɨmbɨaɨ jeko pegua?

SALMOS 147:9

Jae ko omongaru mɨmba reta, omongaru chucha imembɨ reta oñee yave yɨmbɨaɨ güi.

SALMOS 50:11

chembae ko opaete ɨvɨtɨ rupi oveve vae, jare opaete oikove kaa rupi vae.

San Mateo 6:32

Echa judiombae vae oyemoambeko kuae mbaembae re. Ërei peRu ara pe oï vae oikuaa ko opaete kuae mbaembae oata peve vae.

San Mateo 7:9

¿Oime pa pegüi reta taɨ oyerure chupe mbɨyape re vae, omee chupe metei ita mbɨyape jekovia pe?

San Lucas 12:18

Jare jei: ‘¡Aikuaa ma! Tamboai cheavatío reta jare tamopüa pɨau ye tuicha vae, jare joko pe tañovatu opaete chembaagüɨye reta jare opaete chembaembae.’