San Mateo 6:24 - Biblia Guarani Tumpa Iñee

²⁴ Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

Nuevo Testamento Guaraní Pe

²⁴ Metei tembiócuai oipota yave oyeócuai mócoi iya reta pe, omotareɨta metei iya jare oaɨuta iru iya, ani oparavɨquɨ cavita metei iya pe jare güɨroɨrota iru iya. Mbaeti pepuere peyeócuai Tumpa pe corepoti peaɨu reve —jei—.

San Mateo 6:24 ပူးပေါင်းရင်းမြစ်များ

GÉNESIS 47:17

Jayave güeru reta José pe mɨmba, jare José omee chupe reta tembíu: Kavayu regua, vecha regua, guaka regua, jare mburika regua, jökorai jókuae año omee chupe reta tembíu opaete jɨmba reta regua.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

2 REYES 17:41

Echa oipoɨu reta tëi yandeYa güi jare omboete reta vi tumpa-raanga reta. Jökoraiño vi taɨ reta jare jɨmɨmino reta oyapo iñemuñagüe reta rami, añave regua.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Lucas 16:11

Jáeramo, kuae ɨvɨ pegua mbaembae pe mbaetɨ yave peyapo jupi vae, ngaraa vi peyapo ara pegua mbaembae jupi rupi.

San Lucas 16:13

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Mbaetɨ pepuere peyeokuai Tumpa pe mbaeyekou peaɨu reve.

San Lucas 16:9

Che jae peve peiporu vaerä pembaembae kuae ɨvɨ pegua peyapo vaerä vɨa-ïru retarä. Echa oata ma pembaembae yave, jae reta pemboresiveta tëta opambae vae pe.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”