San Mateo 6:2 - Biblia Guarani Tumpa Iñee

² Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

Nuevo Testamento Guaraní Pe

² Jae rambue rembopota paravete vae reta yave, agüɨye eyapo oporombotavɨ vae reta oyapo rami. Echa jae reta omondo jenonde judío reta itupao reta pe jare calle reta rupi oñemimbɨ vae, iru vae reta omboete vaera ombopota paravete vae reta yave. Añete che jae peve, jocuae oporombotavɨ vae reta güɨnoi ma imbaera jocorai oyapo rambue —jei—.

San Mateo 6:2 ပူးပေါင်းရင်းမြစ်များ

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

SALMOS 37:21

Iyoa vae ombaeporu yave mbaetɨ omboepɨ; ërei jupi vae iporoparareko jare omee ngatu.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

PROVERBIOS 20:6

Jeta kuimbae reta jei iyeupe ipɨakavi yae ko vae, ërei kuimbae añete vae, ¿kia pa oväeta?

ECLESIASTÉS 11:2

Renoigüe emboyao ïru vae pe, oime renoi rupi, echa mbaetɨ reikuaa ikavimbae outa kuae tëtaguasu re vae.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

San Mateo 15:7

Jova mókoi vae reta. Añete yepe Isaías imiari peregua, jei yave:

San Mateo 16:3

Jökoraiño vi ndeimbove yave pere: ‘Ara pochɨta kuae ara. Echa pɨ̈ta ko ara reta jare oyasoi oï.’ Jova mókoi vae reta, peikuaa ara kërai ko oï vae re, ërei mbaetɨ etei peikuaa mbae oyeapo oï añave vae.

San Mateo 22:18

Ërei Jesús oikuaa jae reta iyemongeta ikavimbae vae ramo jei chupe reta: —¿Maera pa peipota peyavɨuka cheve? jova mókoi vae reta.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Mateo 23:6

Mbareaa pe, omomora yae oguapɨ tenonde voi, jare judío reta itupao pe tenondegua ete tenda pe.

San Mateo 24:51

Iya oiporarauka yaeta chupe jare omondota oiko vaerä opaete ïru jova mókoi vae reta ndive. Joko pe oyaeota jare jäi ombokɨrɨrɨuta.

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:3

Ërei nde rembopota paravete vae yave, agüɨye etei kia toikuaa,

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Mateo 7:5

¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

San Marcos 12:39

omomora reta judío reta itupao pe jare mbareaa pe, tenonde oguapɨ vaerä.

San Marcos 7:6

Jayave Jesús jei chupe reta: —¡Jova mókoi vae reta! Añete yepe Isaías imiari peré. Echa jae oikuatía körai: “Kuae tëta chemboete raanga jembe peño. Ërei ngatu ipɨa mombɨrɨ ko oï chegüi.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

San Lucas 11:43

¡Paravete, pe fariseo reta! Echa pemomora peguapɨ tenda tenondegua pe judío reta itupao pe, jare pemomora ïru vae reta oyapo vaerä maraetei peve oka guasu rupi.

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 12:56

¡Jova mókoi vae reta! Peikuaa mbae oasata vae. Ërei mbaetɨ etei peikuaa mbae añave oasa oï vae.

San Lucas 13:15

Jayave yandeYa jei chupe: —Jova mókoi vae reta. ¿Pe reta peyoraä pa peraja pemboɨu pegüeye ani pemburika ara mbutuu pe?

San Lucas 20:46

“Peyeandu, mborookuai re oporomboe vae reta güi. Echa jae reta omomora oguata jemimonde puku reve, jare omomora ïru vae reta oyapo vaerä chupe reta maraetei oka guasu rupi, omomora reta judío reta itupao pe jare mbareaa pe tenonde oguapɨ vaerä.

San Lucas 6:24

Ërei, ¡paravete, pe peikokatu vae reta! Echa peyerovia ma.

San Lucas 6:42

Ngaraa ndepuere rere nerëtara pe: ‘Tëtara, taekɨ nderesa güi jókuae ɨtɨ michi vae.’ Nde renoi reve ɨvɨra nderesa pe. ¡Jova mókoi vae! Eekɨ räri ɨvɨra nderesa güi. Jayave reecha kavita ndepuere vaerä reekɨ ɨtɨ michi vae nerëtara jesa güi.

San Juan 13:29

Amogüe vae oyemongeta Jesús jei chupe, ojo vaerä mbae ogua arete peguarä, ani omee vaerä mbae paravete vae reta pe. Echa Judas güɨnoi korepoti jɨru.

San Juan 5:41

Che mbaetɨ ko aeka chembotuicha vaerä ɨvɨ pegua reta.

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Hechos 10:2

Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Hechos 24:17

Ɨma pe ayu ye cheɨvɨ pe. Aru mbota iparavete vae reta peguarä jare Tumpa peguarä, añererökuavee chupe rami.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 13:3

Yepe mona amee opaete chembaembae amongaru vaerä iparavete vae reta. Jare amee cherete etei oyeapɨ vaerä, ërei mbaetɨ aporoaɨu yave, mbaetɨ etei osirive cheve.

Gálatas 2:10

Jaeño jei reta oreve oremaendúa vaerä iparavete vae reta re. Jókuae che ayapoño mai chekɨ̈reɨ reve vae.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

1 Tesalonicenses 2:6

Mbaetɨ ko roeka kuimbae reta oremboete vaerä, pegüi reta ani ïru reta güi. Ërei orepuere viña Cristo jemimondo jeko pegua.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Filemón 1:7

Royerovia yae jare orepɨakatu ndeporoaɨu re, echa nde cherɨvɨ rembopɨakatu oporogüɨrovia vae reta.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

1 SAMUEL 15:30

Jare jei: —Ayapo mbaeyoa. Ërei romoñera chemboete vaerä mburuvicha rami Israel iñemuña reta jóvai jare itenondegua reta jóvai, jare eyu che ndive amboete vaerä ndeYa Tumpa.