San Mateo 6:16 - Biblia Guarani Tumpa Iñee

¹⁶ Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

Nuevo Testamento Guaraní Pe

¹⁶ Peyecuacu tembíu güi yave, agüɨye peyapo oporombotavɨ vae reta oyapo rami. Echa jae reta oyecuacu tembíu güi yave, oyecuaa ipɨatɨtɨ yae, iru vae reta oicuaa vaera oyecuacu co ñogüɨnoi tembíu güi. Añete che jae peve, jae reta güɨnoi ma imbaera jocorai oyapo rambue —jei—.

San Mateo 6:16 ပူးပေါင်းရင်းမြစ်များ

2 SAMUEL 12:16

Jayave David omoñera Tumpa michia raɨ re; jare oyekuaku tembíu güi, oike jo pe jare oyapakua ɨvɨ re, jökorai iköe.

2 SAMUEL 12:21

Jare jembiokuai reta jei chupe: —¿Mbae pa ko kuae reyapo vae? Michia raɨ oikove vɨteri yave, reyekuaku tembíu güi jare reäpiro; añave omano ma yave, ¡repüa jare rekaru!

1 REYES 21:27

Acab oendu yave opaete kuaekuae reta, omondoro jemimonde jare omonde temimonde mbɨatɨtɨ pegua jare oyekuaku tembíu güi. Oke jókuae temimonde ndive jare ipɨatɨtɨ yae reve oiko.

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

SALMOS 109:24

Chetava reta jëogüe mbaetɨ akaru jeko pegua, jare cherete ipɨtu chepiru ramo.

SALMOS 35:13

ërei jae reta imbaerasɨ yave, che ayemonde temimonde mbɨatɨtɨ pegua pe, chepɨatɨtɨ jese reta güi ayekuaku tembíu güi, chepɨa rupi ayerure avei jese reta.

SALMOS 69:10

Ayaeo jare ayekuaku tembíu güi yave, cheyóyai yóyai reta.

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

MALAQUÍAS 3:14

Körai pere: ‘Yayeokuaiiño ma Tumpa pe, ¿mbae pa ñanoita yayapo yave iporookuai, jare yayembopɨatɨtɨ yave yandeYa Imbaepuere yae ete vae jóvai?’

San Mateo 6:1

Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Marcos 2:18

Jare Juan jemimboe reta jare fariseo jemimboe reta oyekuaku ñogüɨnoi tembíu güi. Jayave amogüe vae yogüeru, jare oparandu Jesús pe: —¿Maera pa Juan jemimboe reta jare fariseo jemimboe reta oyekuaku tembíu güi, ërei nderemimboe reta mbaetɨ oyekuaku chugüi?

San Lucas 18:12

Che ayekuaku tembíu güi mókoi vese semana pe, jare amee ndeve diezmo opaete amongana vae güi.’

San Lucas 2:37

Jare ochenta y cuatro año rupi ma opɨta imemano. Mbaetɨ osɨrɨ tupao güi oyeokuai avei Tumpa pe, oyekuaku tembíu güi jare oyerure Tumpa pe ara rupi jare pɨ̈tu rupi.

Hechos 10:30

Jayave Cornelio jei chupe: —Irundɨ ara ma oasa koyave ayerure aï ayekuaku reve tembíu güi kuae chero pe. Jare güɨramoiño mboapɨ ora ma kaaru yave aecha metei kuimbae jemimonde jembipeasɨ vae oyemboɨ oï cheróvai.

Hechos 14:23

Jare oporogüɨrovia vae reta ñogüɨnoia ñavo Pablo jare Bernabé oiparavo oporogüɨrovia vae reta itenondeguarä. Jare oyekuaku tembíu güi reve oyerure reta, oeya yandeYa jae reta güɨrovia jese vae ipo pe.

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

2 Corintios 11:27

Täta aparavɨkɨ aiporara reve. Jeta aiporara topeɨ, yɨmbɨaɨ ɨuve, iroɨ jare nandi.

2 Corintios 6:5

ñenupa reta, tembipɨɨrɨru pe, tekorai pe, mbaravɨkɨ tätagüe, topeɨ reta, yɨmbɨaɨ reta;