San Mateo 6:13 - Biblia Guarani Tumpa Iñee

¹³ Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

Nuevo Testamento Guaraní Pe

¹³ Jare agüɨye emaeño aña guasu re imiari vaera oreve ore oreyoa vaera. Orerepɨ aña guasu güi. Echa nembae co mboroocuaia. Nde renoi opaete mbaepuere. Opaete vae nemboeteta jecuaecuae aveiño. Amén. Jocorai peyerure —jei—.

San Mateo 6:13 ပူးပေါင်းရင်းမြစ်များ

GÉNESIS 22:1

Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.

1 REYES 1:36

Jayave Benaía, Joiada taɨ jei mburuvicha guasu pe: —¡Amén! ¡Jökorai mborookuai tou yandeYa cheruvicha iTumpa güi!

1 CRÓNICAS 16:36

¡Toyemboete yandeYa, Israel iTumpa, jekuae avei rupi!’ ” Jare opaete vae reta jei: “¡Amén!”, jare omboete reta yandeYa.

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

1 CRÓNICAS 4:10

Jabes oyerure Israel iTumpa pe, jei reve: “Romoñera ndeporerekua vaerä cheré jare emee cheve tuicha ɨvɨ, chemborɨ jare chereroasayepe ikavimbae güi, agüɨye vaerä aiporara.” Jare Tumpa omee chupe oiporugüe.

SALMOS 10:16

YandeYa jae ko Mburuvicha guasu opambae vae jare jekuae avei vae. ¡Iɨvɨ güi opa okañɨtei tëtaguasu reta!

SALMOS 106:48

¡Mbaemboete toiko ndeve jekuae avei rupi cheYa Israel iTumpa! ¡Opaete vae tei: “Amén”! ¡Aleluya!

SALMOS 22:28

Echa yandeYa mburuvicha guasu ko, jae oporookuaita opaete tëtaguasu reta re.

SALMOS 41:13

¡Toyemboeteuka cheYa, Israel iTumpa, jekuaekuae avei! ¡Amén! ¡Amén!

SALMOS 47:2

Echa yandeYa Tuichagüe yae ete vae, kɨɨyea ko; jae ko Mburuvicha guasu opaete ɨvɨ re.

SALMOS 47:7

¡Petairari Tumpa pe arakuaa katu ndive! ¡Echa jae ko mburuvicha guasu opaete ɨvɨ re!

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

SALMOS 89:52

¡Mbaemboete toiko ndeve cheYa jekuae avei rupi! ¡Amén! ¡Amén!

ÉXODO 15:18

¡YandeYa oporookuaita iyapɨmbae jare jekuae avei!”

PROVERBIOS 30:8

Pɨayembotuicha jare apu embosɨrɨ chegüi, agüɨye tacheparavete ani taikokatu; jaeño agüɨ ye emboata cheve tembíu,

JEREMÍAS 15:21

Rogüɨroasayepeta jeko kavimbae vae reta ipo güi, ¡rogüɨroasayepeta jëia vae reta ipo güi!”

JEREMÍAS 28:6

—¡Añete mona yandeYa oyapo jökorai! ¡Mbae mona yandeYa ombopo ñee reta rere vae, jare oyereru ye tembiporu reta tupao pegua, jare oyereru ye iɨvɨ pe opaete oyererajauka Babilonia pe vae!

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 7:18

Ërei jaɨkue rupi kuae mborookuaía oñemeeta Tumpa Tuichagüe yae ete vae pe oñeñono tee vae reta pe, jare jae reta imbaerä oikota jekuae avei pegua.’

NÚMEROS 5:22

jare kuae ɨ yepopeyu pegua toike nderɨe pe jare tombotuicha nderɨe jare tijëogüe nderumbɨ.’ Jare jókuae kuña jeita: ‘¡Jökorai toiko, jökorai toiko!’

San Mateo 26:41

Agüɨye peke. Peyerure Tumpa pe, agüɨye vaerä peyoa. Pepɨa pe peräta ngatu, ërei perete iyakɨ.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

San Mateo 6:10

Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

San Juan 17:15

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

1 Corintios 14:16

Echa nde remboete yave Tumpa ndeespíritu peño, ñee nemiari pɨpe vae oikuaambae vae ngaraa ipuere oñemoïru nde ndive, yasoropai Tumpa pe remee yave. Echa mbaetɨ oikuaa mbae ko rere vae.

2 Corintios 1:20

Echa opaete Tumpa güɨrökuavee vae Cristo oyapota ko. Jáeramo romboete yave roe: “Amén” Tumpa pe, Cristo rupi.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

2 Tesalonicenses 3:3

Echa yandeYa iñee ombopo avei vae ko, pemomɨ̈ratata jare peövatuta ikavimbae vae güi.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 19:1

Kuae jaɨkue rupi aendu jeta yae vae reta iñeeäta reve ara pe, jei reve: “¡Aleluya! yemboasa, yemboete jare mbaepuere jae ko yandeYa Tumpa imbae.

Apocalipsis 19:4

Jare jókuae veinticuatro tenondegua okuakuaa vae reta jare jókuae irundɨ oikove vae reta oyetavatɨka itindɨasɨ reve omboete reta Tumpa, oguapɨ oï iguapɨa pe vae, jae reta jei: “¡Amén! ¡Aleluya!”

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 5:13

Jayave opaete ara pe, ɨvɨ pe, ɨvɨgüɨ pe jare ɨguasu pe ñogüɨnoi vae reta aendu jei: “Jókuae mburuvicha iguapɨa pe oguapɨ oï vae jare Vecha kuimbae taɨrusu vae, togüɨnoi mbaemboete, yemboete, yemboetea jare mbaepuere jekuaekuae avei rupi.”