San Mateo 6:10 - Biblia Guarani Tumpa Iñee

¹⁰ Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

Nuevo Testamento Guaraní Pe

¹⁰ Tou ndeporoocuaia. Toyeapo neremimbota cuae ɨvɨ pe ara pe oyeapo oi rami.

San Mateo 6:10 ပူးပေါင်းရင်းမြစ်များ

NEHEMÍAS 9:6

Jare Esdras jei: “Nde ko jae oreYa Tumpa, mbaetɨ ye kia. Nde reyapo ara, jare ara ɨvate yae vae, jare opaete yasɨtata reta; nde reyapo ɨvɨ, jare opaete pɨpegua reta, ɨguasu reta, jare opaete pɨpegua reta. Nde ko remee tekove opaete vae pe. Jáeramo, ndemboete ara ipo reta.

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Mateo 26:42

Jayave Jesús ojo ye oyerure mokoía ma: “CheRu, nde reipota yave aiporara vaerä, toyeapo cheve nde rere vae.”

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 4:17

Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

San Mateo 7:21

Ngaraa opaete: ‘CheYa, cheYa’ jei cheve vae oike araɨgua mborookuaía pe. Jaeño oiketa cheRu ara pe oï vae jemimbota oyapo vae.

San Marcos 11:10

Toyemboeteuka ñaneñemuñagüe David iporookuaía ou oväe vae. ¡Hosanna! ¡Toyemboete ara pe!

San Marcos 3:35

Opaete Tumpa jemimbota oyapo vae reta ko jae cherɨvɨ, chereindɨ jare chesɨ.

San Lucas 19:11

Jare Jesús ndive ñogüɨnoi vae reta oendu kuae kuae yave, imiari ye chupe reta ombojaanga reve. Echa köiño ma oï Jerusalén güi ramo, jae ndive ñogüɨnoi vae reta oyemongeta ɨmambae ko oyekuaata Tumpa iporookuaía.

San Lucas 19:38

jei reta reve: —¡Toyemboeteuka yandeRuvicha guasu yandeYa jee re ou vae! ¡Mbɨakatu toï ara pe! ¡Ara pegua reta tomboete Tumpa!

San Lucas 22:42

Jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 13:22

Jare Tumpa kuae kuimbae omombo yave, omee chupe reta David juvicha guasurä. Jare Tumpa jei David re: ‘Che aikuaa David, Isaí taɨ ko metei kuimbae chemboyerovia vae. Jae oyapota opaete che aipota vae.’

Hechos 21:14

Jare mbaetɨ orepuere royopia ramo, roe chupe: —Toiko yandeYa jemimbota.

Hechos 22:14

Jayave jae jei cheve: ‘Ñaneñemuñagüe reta iTumpa ndeparavo, reikuaa vaerä jae jemimbota, reecha vaerä jókuae Jupi vae jare reendu vaerä iñee.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Efesios 6:6

Agüɨye peyeokuai kavi peya reta pe jae omae oï yaveño, jare pemboyerovia vaeräño. Peyeokuai chupe, Cristo pe peyeokuai rami, pepɨakatu reve peyapo Tumpa jemimbota.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

1 Tesalonicenses 4:3

Echa Tumpa jemimbota ko peñeñono tee vaerä chupeguarä. Peyembosɨrɨ vaerä aguasa güi;

1 Tesalonicenses 5:18

Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 10:36

echa jaekavi ko pepɨaguasu vaerä, peyapo vaerä Tumpa jemimbota, jökorai penoi vaerä jae güɨrökuavee vae.

Hebreos 10:7

Jáeramo jae: Mase, ko ayu cheRu Tumpa, ayapo vaerä nderemimbota, tembikuatía pe, oyekuatía oï cheregua rami.”

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

1 Pedro 2:15

Echa Tumpa jemimbota jae ko ikavi vae peyapo vae rupi pemokïrii iyarakuaambae vae reta.

1 Pedro 4:2

agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 12:10

Jayave aendu ñee tätagüe ara pe, jei: “Ou ma oväe yemboasa, mbaepuere jare ñaneTumpa iporookuaía jare jemimbou Cristo imbaepuere. Echa oyemombouka ma yanderɨvɨ reta omboekose Tumpa jóvai ara rupi jare pɨ̈tu rupi vae.

Apocalipsis 19:6

Jayave aendu jeta yae vae iñee rami, ɨ jeta vae jɨapu rami, ara täta jɨapu rami, jei: “¡Aleluya! Echa yandeYa Tumpa Imbaepuere yae vae oporookuai ma.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.