San Mateo 5:45 - Biblia Guarani Tumpa Iñee

⁴⁵ Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

Nuevo Testamento Guaraní Pe

⁴⁵ Jocorai peyapo yave, peicota peRu ara pe oi vae taɨ retara. Echa peRu omee cuaraɨ icavi mbae vae oyapo vae reta jare icavi vae oyapo vae reta pe, opaete vae güɨnoi vaera tembipe. Jae ramiño vi omee ama jupi vae reta jare jupi mbae vae reta pe, opaete vae güɨnoi vaera ɨ —jei—.

San Mateo 5:45 ပူးပေါင်းရင်းမြစ်များ

JOB 25:3

Yandepuere rapembae yaipapa iaraɨgua reta. Jae oesape opaete re.

SALMOS 145:9

Ipɨakavi ko yandeYa opaete vae pe, iporoparareko yae opaete jembiapo reta re.

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

San Mateo 5:9

Oyerovia ko oyapo mbɨakatu vae reta. Echa Tumpa jeita chupe reta: Pe ko jae cheraɨ reta.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

San Juan 13:35

Peyoaɨu yave, opaete ɨvɨ pegua reta oikuaata pe reta cheremimboe reta ko vae.

Hechos 14:17

Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

Efesios 5:1

Peiko Tumpa oiko rami. Echa pe ko jae taɨ reta oaɨu yae vae.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

1 Juan 3:9

Tumpa güi tekove güɨnoi vae mbaetɨ oyapo mbaeyoa, echa güɨnoi ma tekove Tumpa güi; mbaetɨ ipuere oyapo mbaeyoa, echa güɨnoi ma tekove Tumpa güi.