San Mateo 5:4 - Biblia Guarani Tumpa Iñee

⁴ Oyerovia ko ipɨatɨtɨ vae reta. Echa Tumpa ombopɨakatu retata.

Nuevo Testamento Guaraní Pe

⁴ Toyerovia ipɨatɨtɨ vae reta. Echa Tumpa ombopɨacatu retata —jei—.

San Mateo 5:4 ပူးပေါင်းရင်းမြစ်များ

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 30:19

Sión pegua reta, Jerusalén ipo reta: Ngaraa ye ma peyaeo. Mboroparareko güɨnoi vae, pepararekota, oendu yave pesapúkai ikotɨ vae.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 57:18

Aecha jeko reta, ërei aipoanota jare ayangarekota jese reta. Che ambopɨakatuta ipɨatɨtɨ vae reta;

ISAÍAS 66:10

“Opaete pe reta peaɨu Jerusalén vae, peyerovia jae ndive; opaete pe reta pepɨatɨtɨ jese vae, pevɨakatu jae ndive;

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

EZEQUIEL 7:16

Amogüe oasayepe vae reta otekuaraita ɨvɨtɨ kotɨ, pɨkasu ɨvɨtɨ päu ipe kavi vae rupigua okɨɨye güi otekuarai rami, opaete vae omanota, güɨroäse retata iyoa.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

San Lucas 6:21

Peyerovia añave peyɨmbɨaɨ vae reta. Echa peangapɨɨta. Peyerovia añave peyaeo vae reta. Echa pepukata.

San Lucas 6:25

¡Paravete, pe añave peangapɨɨ vae reta!, echa peyɨmbɨaɨta. ¡Paravete, pe añave pepuka vae reta!, echa pepɨatɨtɨta jare peyaeota.

San Lucas 7:38

Jayave jókuae kuña oï Jesús ikupe kotɨ jare oyaeo. Jare omboɨpɨ omoäkɨ Jesús ipɨ jesaɨ pe. Jayave kuña omotini Jesús ipɨ ia pe jare oipɨte vi ipɨ. Javoi oipichɨ mbae ikäti kavi vae ipɨ re.

San Lucas 7:50

Ërei Jesús jei kuña pe: —Reyemboasauka ma rerovia cheré ramo. Ekua ndepɨakatu reve.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”