San Mateo 5:37 - Biblia Guarani Tumpa Iñee

³⁷ Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

Nuevo Testamento Guaraní Pe

³⁷ Erei reipota yave rere: Ayapota, ere: Ayapota. Jae ramiño vi reipota yave rere: Ngaraa ayapo, ere: Ngaraa ayapo. Echa jeta yae cuae güi rere yave, reyapota icavi mbae vae —jei—.

San Mateo 5:37 ပူးပေါင်းရင်းမြစ်များ

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:38

Jókuae, ko, oyembojaanga opaete ɨvɨ re. Trigo ikavi vae oyembojaanga Tumpa iporookuaía pegua reta re. Ërei trigoraanga oyembojaanga ikavimbae vae oyapo vae reta re.

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Mateo 5:36

Agüɨye vi ere neäka jee re. Echa ngaraa ndepuere remotïi ani remojüu metei ave ndea.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Juan 17:15

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Efesios 6:16

Jare opaete kuaekuae güi, peipɨɨ yeopiaka jae ko mborogüɨrovia, agüɨye vaerä aña imii raɨ jendɨ vae oa peré.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

Colosenses 4:6

Pemiari kavi ñee oporomboyerovia vae. Peikuaa kavi mbae pere vaerä oparandu vae pe.

2 Tesalonicenses 3:3

Echa yandeYa iñee ombopo avei vae ko, pemomɨ̈ratata jare peövatuta ikavimbae vae güi.

Santiago 5:12

Ërei, cherɨvɨ reta, agüɨye pere ara jee re ani ɨvɨ jee re ani ïru jee re ave. Pere yave: “Ayapota”, peyapo. Ani pere yave: “Ngaraa ayapo”, agüɨye peyapo, agüɨye vaerä peñejäauka.

1 Juan 2:13

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve pemoamɨri aña guasu ramo. Cheraɨ aaɨu vae reta, aikuatía körai peve, peikuaa yandeRu ramo.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.