San Mateo 5:32 - Biblia Guarani Tumpa Iñee

³² Ërei che jae peve, metei kuimbae omombo yave jembireko aguasa mbaetɨ tëi oyapo reve vae, omoëgua ko oyapo vaerä aguasa. Jare jókuae kuña oyemombogüe ndive omenda vae oyuvanga ko menda re.

Nuevo Testamento Guaraní Pe

³² Erei che jae peve, metei cuimbae ipuere omombo jembireco, cuña aguasa oyapo yave. Erei cuña mbaeti yave oyapo aguasa, cuimbae omombo yave, cuña oñuvanga co menda re omenda yave iru cuimbae ndive. Jae ramiño vi jocuae iru cuimbae cuña ndive omenda vae oñuvanga co menda re —jei—.

San Mateo 5:32 ပူးပေါင်းရင်းမြစ်များ

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.

San Lucas 16:18

Oime yave kia omombo jembireko jare güɨreko ïru kuña yave oyuvanga ko menda re. Jare jókuae kuña oyemombogüe kia güɨreko yave, oyuvanga vi ko menda re.

San Lucas 9:30

Jare mókoi kuimbae imiari ñogüɨnoi Jesús ndive. Jae reta ko Moisés jare Elías.

San Lucas 9:35

Jayave oyeendu ñee amapɨtu güi jei: “Kuae ko jae cheRaɨ aaɨu yae vae. Peyeapɨsaka jese.”

Romanos 7:3

Jáeramo, kuña imegua yave, oyuvanga ko menda re. Ërei ime omano chugüi yave, oyeyora ko jókuae mborookuai güi. Jayave omenda yave ïru kuimbae ndive, mbaetɨ ko oyuvanga menda re.

1 Corintios 7:4

Kuña mbaetɨ ko güɨnoi mbaepuere jete re, ime ko güɨnoi mbaepuere. Jaeramiño vi kuimbae mbaetɨ ko güɨnoi mbaepuere jete re, jaeño jembireko.

DEUTERONOMIO 24:2

Jare ojo güire kuimbae jo güi, ipuere omenda ïru kuimbae ndive;