San Mateo 5:3 - Biblia Guarani Tumpa Iñee

³ “Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

Nuevo Testamento Guaraní Pe

³ Jei chupe reta: —Toyerovia mbaeti etei oñemboete vae reta. Echa Tumpa omeeta chupe reta yogüɨreco vaera mboroocuaia ara pegua pe —jei—.

San Mateo 5:3 ပူးပေါင်းရင်းမြစ်များ

2 CRÓNICAS 33:12

Ërei oecha oiko ma mbɨatɨtɨ rupi yave oyerure iYa Tumpa pe, oñemomichi yae reve iñemuñagüe reta iTumpa jóvai.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

2 CRÓNICAS 33:23

Ërei mbaetɨi oñemomichi yandeYa jóvai, tu Manasés oñemomichi rami, echa jae jeieteño omoïru mbaeyoa.

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

JOB 42:6

Jáeramo añemotareɨ, jare cheyemongeta aipoepɨ aguapɨ reve ɨvɨkúi jare tanimbu pe, chepɨatɨtɨ güi.

SALMOS 1:1

Oyerovia ko kuimbae, mbaetɨ oiko jeko kavimbae reta iporomboarakuaa rupi vae, mbaetɨ oiko iyoa vae reta jeko rupi vae, mbaetɨ oguapɨ Tumpa kotɨ mbae jei reve oyóyai vae reta ndive vae,

SALMOS 112:1

Oyerovia ko kuimbae, yandeYa güiño oipoɨu vae, oñono ipɨa yandeYa iporookuai reta reño vae.

SALMOS 128:1

Oyerovia ko opaete Tumpa güi oipoɨu vae, jókuae jemimbota rupi oiko vae.

SALMOS 146:5

Oyerovia ko jókuae, Jacob iTumpa iporomborɨ güɨnoi vae, iporoäro güɨnoi yandeYa, Jacob iTumpa re vae,

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

SALMOS 34:18

YandeYa köiño oï ipɨatɨtɨ yae vae reta güi; jare oepɨ ipɨatɨtɨ yae vae reta.

SALMOS 41:1

Toyerovia jókuae oyemongeta paravete vae re vae, yandeYa oepɨta tembiporara iara pe.

SALMOS 51:17

Ërei mbota Tumpa pegua vae, jae ko ipɨatɨtɨ yae vae; iyoa güi ipɨatɨtɨ vae jare ipɨa omomichi vae ngaraa nde reröɨro, cheRu Tumpa.

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

PROVERBIOS 16:19

Ikavi yae ko ñañemomichi vaerä paravete vae reta ndive, ipɨapochɨ vae reta ndive mbae oñepɨ̈rogüe yamboyao vae güi.

PROVERBIOS 29:23

Kuimbae ipɨapochɨ vae, oñemomichiuka, ërei ñemomic hi rupi oiko vae, oyemboeteuka.

PROVERBIOS 8:32

Añave, cheraɨ reta, peyeapɨsaka cheré; oyerovia ko chereko omomoe vae.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 11:6

Jare oyerovia ko jókuae mbaetɨ yemboavai oväe cheré vae.”

San Mateo 13:16

Ërei pe reta peyerovia ko. Peecha jare peendu jeko pegua.

San Mateo 19:14

Ërei Jesús jei: —Pemaeño michia reta re yogüeru vaerä chekotɨ. Agüɨye peyopia. Echa, kuae rami vae reta ko yogüɨreko araɨgua mborookuaía pe.

San Mateo 24:46

Oyerovia ko jókuae tembiokuai, iya ou ye oväe yave, oparavɨkɨ oï vae.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

San Marcos 10:14

Jesús kuae oecha yave, pochɨ jemimboe reta pe, jare jei chupe reta: —Pemaeño michia reta re yogüeru vaerä chekotɨ. Agüɨye peyopia. Echa kuae nunga reta ko yogüɨreko Tumpa iporookuaía pe.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

San Lucas 22:29

Jáeramo che poñono ma peiko vaerä Tumpa iporookuaía pe, cheRu cheñono rami.

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Juan 20:29

Jayave Jesús jei chupe: —Rerovia ma Tomás, chereecha ramo. Oyeroviata ko jókuae chereechambae reve güɨrovia vae reta.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

Santiago 1:10

ërei oikokatu vae toyerovia Tumpa omomichi yave. Echa oikokatu vae ñana ipotɨ ramiño ko, mbaetɨ ɨma oiko.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.