San Mateo 5:22 - Biblia Guarani Tumpa Iñee

²² Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

Nuevo Testamento Guaraní Pe

²² Erei che jae peve, oime yave quia pochɨ tɨvɨ pe vae, oñejaaucata co. Jare oime yave quia tɨvɨ güɨroɨro vae, judío reta itenondegua reta ojaata. Jare oime yave quia tɨvɨ pe: Nemboquere, jei vae, tata guasu jasɨ oiporarata —jei—.

San Mateo 5:22 ပူးပေါင်းရင်းမြစ်များ

GÉNESIS 37:4

Jare tɨkeɨ reta oecha, tu jaeño oaɨu yae opaete ïru tɨkeɨ reta güi vae, jáeramo omotareɨ reta, mbaetɨ ipuere reta omomiari kavi.

GÉNESIS 37:8

Jayave tɨkeɨ reta jei chupe: —¿Reikota ra nde oreruvicharä, ani renoita ra mbaepuere oreré? Jare jae reta jeiete omotareɨ, ipaɨu re imiari jeko pegua.

2 SAMUEL 16:7

Simei jei ñee jasɨ katu vae ikotɨ, körai: —¡Ekua kuae güi kuimbae iporoyukase vae jare jeko kavimbae vae!

2 SAMUEL 6:20

Jare David ojo ye vi jo kotɨ oyerure vaerä jo pegua reta re, ërei jembireko Mical, Saúl tayɨ oë oövaiti jei reve chupe: —¡Ikavi yae oyekuaa Israel juvicha guasu, opɨrae ramboeve imborɨa reta jembiokuai kuña reta jovake, oipotagüe kia nunga vae oyapo rami reyapo!

1 REYES 21:4

Acab ojo jo kotɨ ipɨatɨtɨ jare iyarasɨ reve Nabot jei chupe vae re, echa jei chupe mbaetɨta omee tu imbaegüe opɨta imbaerä vae. Ojo oväe jare oyapakua omae reve ovapetea kotɨ, jare mbaetɨ oipota okaru.

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

2 CRÓNICAS 19:5

Jare oñono mburuvicha oporojäa vae reta opaete tëta guasu reta jëguambaea ñavo Judá pegua rupi.

NEHEMÍAS 5:8

jae chupe reta: “Ore orepuere rupi ko roepɨ ñanerëtara judío reta, ïru tëta pe opa oñemee vae güi; jare añave pe reta pemee ye peï, ore jekuae roepɨ ye kuri vaerä.” Jare jae reta kïrii opɨta, mbaetɨ oikuaa mbae jei reta vaerä.

SALMOS 109:3

Cheatɨ reta ñee ñemotareɨ pegua pe, ¡oñemopüa reta chekotɨ jupimbae reve!

SALMOS 14:1

Iyarakuaambae jei ipɨa pe: “Mbaetɨ Tumpa.” Oñererokomegua reta, oyapo reta ikavimbae yae vae; mbaetɨ kia oyapo ikavi vae.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 35:19

Agüɨye tacheyóyai yóyai, jupimbae reve oyovaicho reta chekotɨ vae, ani jupimbae reve jesatï chemotareɨ vae reta.

SALMOS 37:8

Eeya arasɨ, esɨrɨ mbochɨ güi; agüɨye etei eñemokɨ̈reɨ reyapo vaerä ikavimbae.

SALMOS 49:10

Echa, yarakuaa katu vae reta ave ko omano, okañɨtei vi iyarakuaambae reta rami; jare oeya reta imbaeyekou ïru reta pe.

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

SALMOS 7:4

¿Chevɨa-ïru pe amboyevɨ pa ikavi oyapo cheve vae ikavimbae pe? ¿Apɨ̈ro pa mbae cherovaicho reta güi jupimbae reve?

SALMOS 92:6

¡Jaeño kuimbae mbaetɨ iyarakuaa vae reta mbaetɨ oikuaa kuae regua!

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 18:6

Yarakuaambae, oyemoinge teko pɨ̈chɨi pe iñee rupi; iñee kavimbae rupi aeño oeka iyeupe ñenupa.

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

LAMENTACIONES 3:52

Cherekombae reve cherovaicho reta chepɨɨ güɨra rami;

DANIEL 3:13

Jayave Nabucodonosor iyarasɨ reve jare pochɨ reve jei güeru reta vaerä Sadrac, Mesac jare Abed-nego. Jare jupiveiño opa güeru reta mburuvicha guasu jóvai.

DANIEL 3:19

Jayave Nabucodonosor jovapɨ̈ta etei iyarasɨ yae güi Sadrac, Mesac jare Abed-nego kotɨ, jare omee mborookuai oyemboakuasɨ yeyé vaerä horno tenonde rupi oyemboakuse vae güi.

ABDÍAS 1:10

Neñeeasɨ katu jare rerekoasɨ katu nderɨvɨ Jacob jeko pegua repɨtata ñemomarai pe, rekañɨteita jekuae avei pegua.

ABDÍAS 1:12

Agüɨyeta tëi ko peyerovia peecha yave perëtara reta, jókuae ara mbaesusere rupi yogüɨreko yave, agüɨyeta tëi vi peyerovia, peecha yave Judá pegua reta jókuae ara rupi opa oyemboai, agüɨyeta tëi vi peyóyai yóyai, jókuae ara mbɨatɨtɨ rupi yogüɨreko yave.

San Mateo 10:17

Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 12:24

Ërei fariseo reta kuae oendu yave, jei reta: “Aña guasu Beelzebú imbaepuere rupi ko ombosɨrɨ aña reta oya jese vae reta güi.”

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 18:21

Jayave Pedro ou jei Jesús pe: —CheYa, cherëtara iyoa yave chekotɨ, ¿mbovɨ ye pa cheɨ̈rota chupe? ¿Chiu ye pa?

San Mateo 18:35

Jökoraita vi cheRu ara pe oï vae oyapo pe ndive, mbaetɨ peɨ̈ro yave opaete pepɨa reve perëtara ombaeyavɨ pekotɨ vae pe.

San Mateo 23:15

¡Paravete pe jova mókoi vae reta! Mborookuai re oporomboe vae reta jare fariseo reta. Echa peo peeka oipota rupi peporomboe re güɨrovia vaerä judiombae vae reta. Jare güɨrovia ma peporomboe re yave, jei eteño peñäka-pɨpɨ kañɨtei pe, pe reta peiporarata vae pe.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 26:59

Jare sacerdote tenondegua reta jare tëta pegua reta itenondegua reta jare opaete ïru mburuvicha reta oeka reta kërai omboeko vaerä Jesús añetembae reve, jare oyukauka vaerä.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Mateo 5:34

Ërei che jae peve, agüɨye etei kia jee re ave ere. Ani ere ara jee re. Echa ara Tumpa iguapɨa jenda ko.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Marcos 14:55

Jare sacerdote reta itenondegua reta jare opaete ïru mburuvicha reta oeka reta kërai omboeko vaerä Jesús mbae re, oyukauka vaerä. Ërei mbaetɨ oväe reta teko jese.

San Marcos 15:1

Jayave ndeimboveasɨ opa oyemongeta güire sacerdote reta itenondegua reta, tëta guasu pegua reta itenondegua reta, mborookuai re oporomboe vae reta, jare opaete ïru mburuvicha reta oipokua Jesús güɨraja reta Pilato pe omboeterenga.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

San Lucas 22:66

Jare köe ma yave, tëta guasu pegua reta itenondegua reta jare sacerdote reta itenondegua reta jare mborookuai re oporomboe vae reta oyomboatɨ. Jare güeru reta Jesús jókuae reta jóvai jare jei reta chupe:

San Juan 11:47

Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta: —¿Mbae pa yayapota? Kuae kuimbae jekuae ñoi oyapo jeta mɨakañɨ reta.

San Juan 15:25

Kuae oyapo reta oyembopo vaerä mborookuai pe oyekuatía oï vae. Echa oyekuatía oï körai: “Chemotareɨ reta cherekombae reve.”

San Juan 7:20

Jayave jeta vae reta jei: —¡Aña oya ma nderé! ¿Kia pa oipota ndeyuka?

San Juan 8:48

Jayave judío reta jei: —Roe ma, nde ko jae metei Samariaɨgua, jare aña oya nderé vae ko. Añetete yepe roe.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 22:30

Jare pɨareve pe sundaro jeta vae juvicha oipota oikuaa kavi mbae re ra judío reta omboeko Pablo. Jáeramo oyora Pablo, jare oyókuai sacerdote reta itenondegua reta jare opaete mburuvicha judío reta oyemboatɨ vaerä. Jayave güɨnoe Pablo oñono jae reta jóvai.

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Hechos 24:20

Ani kuae reta etei tomombeu ndeve mbae nunga teko ra oväe cheré, mburuvicha judío reta jóvai aï yave.

Hechos 4:15

Jayave oyókuai Pedro jare Juan oë räri vaerä ipɨte reta güi. Jare oñomomiari reta jei:

Hechos 5:21

Kuae oendu güire, Pedro jare Juan oike tupao pe ndeimboveasɨ jare oporomboe reta. Jökorai ramboeve, sacerdote tenondegua ete jare jae ndive ñogüɨnoi vae reta oenɨi opaete mburuvicha judío reta jare Israel iñemuña itenondegua reta. Jare omondo reta güeruruka vaerä tembipɨɨrɨru güi temimondo reta.

Hechos 5:27

Jare güeru, oñono mburuvicha judío reta jóvai yave. Sacerdote tenondegua ete jei temimondo reta pe:

Hechos 6:12

Jökorai jae reta omboarasɨuka opaete vae reta, Israel iñemuña reta itenondegua reta jare mborookuai re oporomboe vae reta. Jayave kuae reta yogüeru oipɨɨ Esteban, jare güɨraja mburuvicha judío reta jóvai.

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.

Hechos 7:37

Moisés jei Israel pegua reta pe: “YandeYa Tumpa omopüata peve ñeemombeúa perëtara reta güi, che chembou rami. Peyeapɨsaka jese.”

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

1 Corintios 6:6

Echa oporogüɨrovia vae reta oñeapo oyoe yave, oñeapo oporogüɨroviambae vae reta pe.

DEUTERONOMIO 15:11

Echa paravete vae oime aveita ɨvɨ pe, jáeramo che poyókuai pepɨakavi vaerä perëtara paravete vae pe peɨvɨ pe.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

Tito 3:2

Agüɨye tei ikavimbae vae oipotagüe vae kotɨ, agüɨye tijovaicho pota, ërei toporoaɨu, toñemomichi opaete vae ndive.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

Santiago 2:20

Yarakuaambae vae, ¿reipota pa aikuaauka vaerä ndeve? Mborogüɨrovia jembiapo reta oyekuaambae vae, mbaeä etei ko.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Juan 2:9

Oime yave kia “che aiko tembipe pe” jei vae, ërei omotareɨ yave ïru oporogüɨrovia vae, oiko vɨteri ko pɨtumimbi pe.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.