San Mateo 5:16 - Biblia Guarani Tumpa Iñee

¹⁶ Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

Nuevo Testamento Guaraní Pe

¹⁶ Mechero omee ñandeve tembipe. Jae ramiño vi pe reta peico cavi iru vae reta jovaque, jae reta oicuaa vaera pe reta peyapo co icavi vae. Echa jocorai yave, omboete retata peRu ara pe oi vae —jei—.

San Mateo 5:16 ပူးပေါင်းရင်းမြစ်များ

ÉXODO 34:35

Israel iñemuña reta omae yave Moisés re, oecha reta jova jembipe, jare Moisés jekuae oñono ye jova re jókuae äka-soya, oike ye regua imiari Tumpa ndive.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Mateo 23:9

Jare agüɨye etei pere: ‘Cheru’ metei kuimbae kuae ɨvɨ pegua pe. Echa meteiño ko jae peRu ara pe oï vae.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Lucas 11:2

Jayave Jesús jei chupe reta: —Peyerure Tumpa pe yave, pere körai: “OreRu ara pe reï vae, toyemboeteuka nderee. Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

2 Corintios 9:13

Echa jókuae omboresive vae rupi omboete retata Tumpa, oecha retata kërai peyapo ko ñee ikavi vae Cristo regua vae. Omboete retata Tumpa pekɨ̈reɨ ngatu reve pemee chupe jare opaete peguarä vae re.

Gálatas 1:24

Jáeramo omboete reta Tumpa cheré.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

1 Timoteo 5:25

Jaeramiño vi amogüe reta oyapo ikavi vae oyekuaa kavi voi; ërei ikavi vae añave mbaetɨ oyekuaa vae oyekuaa tai ko.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Tito 3:4

ërei oyekuaa yave Tumpa iporoparareko jare iporoaɨu opaete vae pe,

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Pedro 3:1

Jaeramiño vi pe kuña reta peiko peme reta jeia re, jökorai yave, güɨroviambae Tumpa iñee vae reta ipuere güɨrovia pereko rupi, oyemombeumbae reve chupe reta.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.