San Mateo 5:10 - Biblia Guarani Tumpa Iñee

¹⁰ Oyerovia ko jupi vae oyapo jeko pegua oiporara vae reta. Echa jae reta imbae ko araɨgua mborookuaía.

Nuevo Testamento Guaraní Pe

¹⁰ Toyerovia jupi vae oyapo rambue iru vae reta icavi mbae vae oyapo chupe vae reta. Echa Tumpa omeeta chupe reta yogüɨreco vaera mboroocuaia ara pegua pe —jei—.

San Mateo 5:10 ပူးပေါင်းရင်းမြစ်များ

SALMOS 37:12

Iyoa vae oeka oyapo vaerä ikavimbae jupi vae kotɨ, omotareɨ yae omae jese.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

San Mateo 10:23

Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.

San Mateo 19:14

Ërei Jesús jei: —Pemaeño michia reta re yogüeru vaerä chekotɨ. Agüɨye peyopia. Echa, kuae rami vae reta ko yogüɨreko araɨgua mborookuaía pe.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 5:3

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

San Marcos 10:14

Jesús kuae oecha yave, pochɨ jemimboe reta pe, jare jei chupe reta: —Pemaeño michia reta re yogüeru vaerä chekotɨ. Agüɨye peyopia. Echa kuae nunga reta ko yogüɨreko Tumpa iporookuaía pe.

San Marcos 10:30

cien rupi jekoviata ko chupe ɨvɨ pe oiko ramboeve. Jekoviata jo reta, tɨkeɨ reta, tɨvɨ reta, jeindɨ reta, tɨke ani ipɨkɨɨ ani ikɨvɨ, ichɨ reta, imichia reta, iɨvɨ reta jare ikavimbae reta vi. Ërei taɨkue rupi Tumpa omeeta chupe tekove opambae vae.

San Lucas 21:12

Ërei ndei kuaekuae reta oasa mbove, ïru vae reta pepɨɨta jare oyapota ikavimbae vae peve, pereraja retata itupao reta pe jare peñonota tembipɨɨrɨru pe, jare pererajata mburuvicha guasu reta jare ïru mburuvicha reta jóvai chereko pegua.

San Lucas 22:29

Jáeramo che poñono ma peiko vaerä Tumpa iporookuaía pe, cheRu cheñono rami.

San Lucas 6:20

Jayave Jesús omopüa iñäka jare omae jemimboe reta re jei reve: “Peyerovia pe peparavete vae reta. Echa pembae ko Tumpa iporookuaía.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

Hechos 5:40

Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Filipenses 1:28

jare agüɨye pekɨɨye oyovaicho pekotɨ vae reta güi. Echa kuae oechauka jae reta ko kañɨtei peguarä, ërei peve ko yemboasa peguarä; kuae ko ou Tumpa güi.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 5:11

Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.