San Mateo 4:24 - Biblia Guarani Tumpa Iñee

²⁴ Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

Nuevo Testamento Guaraní Pe

²⁴ Jare opaete ɨvɨ Siria pegua reta oendu Jesús oyapo vae regua. Jare iru vae reta güeru jae oia pe imbaerasɨ vae reta. Amogüe vae oiporara yae jasɨ, jare aña oya amogüe vae re, jare amogüe vae imboquere, jare amogüe vae mbaeti etei ipuere omɨi. Jayave Jesús ombogüera reta.

San Mateo 4:24 ပူးပေါင်းရင်းမြစ်များ

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

1 REYES 10:1

Mburuvicha kuña Sabá pegua oendu Salomón jërakua kavi yae yandeYa omborɨ vae rupi yave, ou oparandu chupe mbae yavaigüe re ojäa vaerä.

1 REYES 4:31

Yarakuaa yae ete opaete kuimbae reta güi: Oyapɨraa Etán, Zera iñemuña jare Hemán, Calcol jare Darda, Mahol taɨ reta. Jërakua yae opaete tëtaguasu iyɨ́vɨri rupigua reta rupi.

1 CRÓNICAS 14:17

Jare David jërakua yae opaete ɨvɨ rupi; jare yandeYa omee opaete tëtaguasu reta okɨɨye yae vaerä David güi.

1 CRÓNICAS 29:2

Opaete chepɨa ndive añono kavi jeta mbaembae cheTumpa jo peguarä: Oro, korepoti, jiero iyu vae, jiero, jare ɨvɨra opaete ɨvɨra oyeporu vae peguarä. Jare vi ita ónice jee vae, ita ipöra yae vae, ita jüu vae, ita jeta ipïra vae, jare oipotagüe ita ipöra yae vae, jare ita mármol jee vae jeta yeyé.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

San Mateo 12:22

Jayave güeru reta Jesús oïa pe metei kuimbae jesambae, iupa, aña oya jese vae. Jare Jesús ombogüera. Jökorai jókuae kuimbae omae jare imiari.

San Mateo 14:1

Jókuae ara reta rupi mburuvicha guasu Herodes oendu Jesús jërakua yae vae regua.

San Mateo 15:22

Jare metei kuña ɨvɨ Canaán peguagüe joko pe oiko vae ou Jesús oïa pe, jare osapúkai reve jei chupe: —CheYa, David Taɨ, cheparareko. Chememɨkuña oiporara yae oï, aña oya jese.

San Mateo 17:15

—CheYa, eiparareko cheraɨ. Echa omano mano ko imbaerasɨ jare oiporara yae. Mbovɨ ye ma oa tata pe jare ɨ pe.

San Mateo 17:18

Jayave Jesús oñeengata aña pe, jare aña oë kunumi güi. Jare jupiveiño okuera.

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Mateo 8:28

Jare yogüɨraja oväe ɨguasu jovaicho pe, Gadaraɨgua reta iɨvɨ pe yave, yogüeru tɨvɨa renda güi oövaiti Jesús mókoi kuimbae aña oya jese vae reta. Pochɨ yae reta jeko pegua, mbaetɨ kia ipuere oasa jókuae tape rupi.

San Mateo 8:33

Jayave kuchi iyangarekoa reta opa otekuarai, jare yogüɨraja tëta guasu pe omombeu opaete mbae oasagüe vae, omombeu reta vi jókuae kuimbae reta aña oya jesegüe vae reta regua.

San Mateo 8:6

Jei Jesús pe: —CheYa, cherembiokuai imbaerasɨ oï chero pe. Jete jëogüe. Oiporara yae oï.

San Mateo 9:26

Jare opaete jókuae ɨvɨ pegua reta pe jërakua kërai Jesús oyapo kuae mɨakañɨ vae.

San Mateo 9:35

Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

San Marcos 1:28

Jarembae voi jërakua jesegua opaete ɨvɨ Galilea rupi.

San Marcos 1:32

Jókuae pɨ̈tu, kuaraɨ oike ma yave, güeru reta Jesús pe imbaerasɨ vae reta jare aña oya jese vae reta.

San Marcos 2:3

Jare güeru reta metei kuimbae imbaerasɨ jete jëogüe vae. Irundɨ kuimbae reta ovoɨ güeru.

San Marcos 2:4

Ërei jókuae güeru vae reta ipuereä güɨroike Jesús oïa pe, jeta yae vae ramo. Jáeramo güɨroyeupi o iárambo jare oipea reta chupe Jesús oïa re katu. Jokoropi ombogüeyɨ reta jókuae kuimbae jete jëogüe vae jupa reve.

San Marcos 2:9

¿Mbae pa yavaiä jae vaerä kuae jete jëogüe vae pe: “Ndeyoa reta re cheɨ̈ro ma”, ani “epüa, evoɨ nderupa jare eguata”?

San Lucas 2:2

Kuae tenondegua yepapa oyepo Cirenio oiko ɨvɨ Siria pe mburuvicharä yave.

San Lucas 4:14

Jayave Jesús ou ye Galilea pe tɨnɨe Espíritu Santo imbaepuere pe. Jare jërakua opaete jókuae ɨvɨ rupi.

San Lucas 4:38

Jare Jesús judío reta itupao güi oë ye yave, oike Simón jo pe. Jare Simón jaicho täta jaku oï. Ïru joko pe ñogüɨnoi vae reta omoñera Jesús ombogüera vaerä.

San Lucas 5:15

Ërei jeieteño jërakua Jesús oyapo vae regua. Jayave jeta vae oyemboatɨ jae oïa pe oyeapɨsaka vaerä jese jare jae ombogüera vaerä imbaerasɨ reta güi.

San Lucas 5:24

Ërei peikuaa vaerä che Kuimbaerä ayeapo vae chepuere ko cheɨ̈ro mbaeyoa reta re kuae ɨvɨ pe. Jayave jei kuimbae jete jëogüe vae pe: —Che jae ndeve: Epüa evoɨ nderupa, jare ekua nerëta pe.

San Lucas 7:17

Jare Jesús oyapogüe jërakua opaete Judea rupi jare opaete Judea iyɨ́vɨri rupi.

San Juan 10:21

Ïru vae reta jei: —Aña oya jese vae mbaetɨ jökorai imiari. ¿Aña ipuere pa ombogüera jesambae vae?

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 15:41

Jare oasa reta ɨvɨ Siria jare Cilicia rupi omoäta ngatu reve oporogüɨrovia vae reta tupao ñavo rupi.

Hechos 28:9

Jare kuae oyeapo yave, ïru imbaerasɨ vae jókuae ɨguasu-päu pegua reta yogüeru, jare Pablo ombogüera vi.

Hechos 8:7

Echa jeta okuera aña reta oya jese vae reta; täta jäse reve osɨrɨ reta. Jare jeta okuera jete jëogüe vae jare oguatambae vae reta.

JOSUÉ 6:27

YandeYa oiko Josué ndive, jare jee jërakua opaete ɨvɨ rupi.