San Mateo 4:23 - Biblia Guarani Tumpa Iñee

²³ Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

Nuevo Testamento Guaraní Pe

²³ Jare Jesús ojo opaete Galilea rupi, jare oporomboe judío reta itupao ñavo pe. Omombeu ñee icavi vae Tumpa iporoocuaia pegua, jare ombogüera imbaerasɨ vae reta oipotagüe mbaerasɨ güi.

San Mateo 4:23 ပူးပေါင်းရင်းမြစ်များ

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

SALMOS 74:8

Oyemongeta reta opaetei vaerä omboai; ¡opaetei oapɨ reta mbaemboetea reta kuae ɨvɨ pe!

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 12:9

Jesús ojo joko güi oike judío reta itupao pe.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:54

Jare ojo oväe iɨvɨ pe yave, oporomboe judío reta itupao pe, jare oyeapɨsaka jese vae reta ipɨakañɨ jare jei: —¿Kia pe ra oväe kuae kuimbae iyarakuaa yae vaerä?, jare ¿mɨakañɨ reta oyapo vaerä?

San Mateo 14:14

Jare Jesús ogüeyɨ barco raɨ güi yave, oecha jeta yae vae, jare oiparareko omae jese reta. Ombogüera imbaerasɨ vae reta jae reta ndive ñogüɨnoi vae.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 9:35

Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

San Marcos 1:14

Juan oñoña reta ma yave tembipɨɨrɨru pe, ojo Jesús Galilea pe, jare omombeu ñee ikavigüe vae Tumpa iporookuaía regua.

San Marcos 1:21

Jare yogüɨraja oväe tëta guasu Capernaum pe. Jare ara mbutuu pe Jesús oike judío reta itupao pe, jare omboɨpɨ oporomboe.

San Marcos 1:39

Jare ojo opaete ɨvɨ Galilea rupi, jare omombeu Tumpa iñee judío reta itupao ñavo rupi, jare ombosɨrɨ aña reta oya jese vae reta güi.

San Marcos 3:10

echa jae ombogüera jeta vae; jáeramo opaete imbaerasɨ vae reta oñomoaña moaña yogüeru ikotɨ, oipota ramo kërai yepe opoko jese.

San Marcos 6:2

Jayave ara mbutuu pe Jesús omboɨpɨ oporomboe judío reta itupao pe. Jare jeta vae oyeapɨsaka jese, jare ipɨakañɨ reve jei reta oyoupe: —¿Kia pe ra oyemboe kuae kuimbae opaete kuae re? ¿Mbae nunga arakuaa ra oñemee chupe? ¿Mbae nunga mɨakañɨ ra kuae oyapo vae?

San Marcos 6:6

Jare Jesús ipɨakañɨ jese reta, mbaetɨ güɨrovia jese ramo. Jayave Jesús ojo oporomboe ïru tëta reta jokoropi ñogüɨnoi vae reta rupi.

San Lucas 10:9

Pembogüera imbaerasɨ vae joko pe oime yave. Jare pere chupe reta: ‘Tumpa iporookuaía ou ma oväe peve.’

San Lucas 13:10

Jesús oporomboe oï metei judío reta itupao pe ara mbutuu pe.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 20:1

Jare metei ara Jesús oporomboe oï tupao pe, jare omombeu joko pe ñogüɨnoi vae reta pe ñee ikavi vae. Jayave yogüeru vi joko pe sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta ndive.

San Lucas 4:14

Jayave Jesús ou ye Galilea pe tɨnɨe Espíritu Santo imbaepuere pe. Jare jërakua opaete jókuae ɨvɨ rupi.

San Lucas 5:17

Metei ara Jesús oporomboe oï, jare amogüe fariseo reta jare mborookuai re oporomboe vae reta oguapɨ ñogüɨnoi jokoropi. Jae reta yogüeru opaete tëta raɨ reta Galilea pegua güi, Judea pegua güi jare Jerusalén güi. Jesús güɨnoi yandeYa imbaepuere oporombogüera vaerä.

San Lucas 6:17

Jayave Jesús ogüeyɨ ye ɨvɨtɨ guasu güi ipe kavía pe jae reta ndive. Jare joko pe jeta ñogüɨnoi jupiegua reta, jare jeta Judea pegua reta jare Jerusalén pegua reta jare tëta guasu Tiro jare Sidón ɨguasu jembeɨ rupigua reta. Opaete vae yogüeru oyeapɨsaka vaerä Jesús re, jare ombogüera reta vaerä imbaerasɨ reta güi.

San Lucas 6:6

Jare ïru ara mbutuu pe Jesús oike judío reta itupao pe jare oporomboe. Jare joko pe oï metei kuimbae ipo iyakatu tɨpa vae.

San Lucas 7:21

Jayave jókuae ora pe etei Jesús ombogüera jeta imbaerasɨ vae reta jare ombosɨrɨ aña reta oya jese vae reta güi. Jare ombogüera jeta jesambae vae reta.

San Lucas 7:22

Jayave Jesús jei Juan ombou chupe vae reta pe: —Pekua ye pemombeu Juan pe peecha jare peendu vae. Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omano vae reta oikove ye. Iparavete vae reta pe oñemoërakua ñee ikavi vae.

San Lucas 8:1

Jare kuae jaɨkue rupi Jesús ojo opaete tëta guasu reta jare tëta raɨ reta rupi, jare omombeu ñee ikavi vae Tumpa iporookuaía regua. Jare jókuae doce vae yogüɨraja jupíe.

San Lucas 9:11

Ërei jeta vae reta oikuaa yave, yogüɨraja jaɨkue. Jare Jesús omboresive kavi jare imiari chupe reta Tumpa iporookuaía re jare ombogüera imbaerasɨ vae reta.

San Lucas 9:60

Jayave Jesús jei chupe: —Emaeño toñotɨ kuri tekove opambae vae mbaetɨ güɨnoi vae reta. Ërei nde ekua emombeu Tumpa iporookuaía.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 6:59

Kuaekuae jei Jesús judío reta itupao pe, Capernaum pe oporomboe yave.

San Juan 7:1

Kuae jaɨkue rupi Jesús ojo ɨvɨ Galilea pe. Mbaetɨ ojo Judea pe. Echa judío reta oipota oyuka.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 18:4

Ara mbutuu ñavo Pablo oyoaka judío reta itupao pe. Kuae oyapo, judío reta jare judiombae vae reta güɨroviauka vaerä.

Hechos 20:25

Jare añave aikuaa katu opaete pe reta, amoërakua peve Tumpa iporookuaía regua vae reta, ngaraa ma chereecha ye.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”