San Mateo 4:17 - Biblia Guarani Tumpa Iñee

¹⁷ Jayave güive Jesús omboɨpɨ omombeu Tumpa iñee, jei: “Peeya peyemongeta ikavimbae vae pepɨa pe penoi vae. Echa ou ma oväe araɨgua mborookuaía.”

Nuevo Testamento Guaraní Pe

¹⁷ Jayave Jesús omboɨpɨ omombeu Tumpa iñee. Jae jei: —Peeya peñemongueta icavi mbae vae pepɨa pe oi vae. Echa outa ovae mboroocuaia ara pegua —jei.

San Mateo 4:17 ပူးပေါင်းရင်းမြစ်များ

San Mateo 10:7

Jare peo peiko ramboeve, pemombeu ïru vae reta pe körai: ‘Araɨgua mborookuaía ou ma oväe.’

San Mateo 11:12

Juan oporombobautisa vae omboɨpɨ güive añave regua Tumpa iporookuaía oiporara, jare opaete mbaepuere güɨnoi vae reta oipota omokañɨ kuae mborookuaía.

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Mateo 13:24

Jesús imiari ye ombojaanga reve, jei: “Araɨgua mborookuaía, metei kuimbae temitɨ ikavi vae iko pe oñotɨ vae rami ko.

San Mateo 13:47

Araɨgua mborookuaía, metei pɨsa rami ko. Echa kuimbae reta omombo ipɨsa ɨguasu pe yave, omboa oipotagüe jevae ɨ rupigua.

San Mateo 13:9

Oipota oyeapɨsaka vae, toyeapɨsaka kuae re.”

San Mateo 25:1

Araɨgua mborookuaía, payandepo kuñatai ndei kuimbae ndive oasa vae reta imechero reve reve yogüɨraja oövaiti kuimbae omendata vae rami ko.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Mateo 6:10

Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 15:7

Che jae peve, jökoraiño vi ara pe oimeta yerovia tuichagüe metei iyoa vae oeya yave iyemongeta ikavimbae vae ipɨa pe oï vae. Jókuae noventa y nueve jupi vae reta güi. Jókuae mbaetɨ mbae jeko pegua oyepoepɨ vaerä vae reta.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Lucas 3:23

Jesús güɨnoi treinta año omboɨpɨ iparavɨkɨ yave. Ïru vae reta ipɨa pe oyemongeta jae ko José taɨ ete. José ko jae Elí taɨ.

San Lucas 5:32

Mbaetɨ ko ayu aeka vaerä jupi vae reta. Ayu ko aeka iyoa vae reta, oeya vaerä iyemongeta ikavimbae vae ipɨa pe güɨnoi vae.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,