San Mateo 4:10 - Biblia Guarani Tumpa Iñee

¹⁰ Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

Nuevo Testamento Guaraní Pe

¹⁰ Jayave Jesús jei chupe: —Ecua chegüi, Satanás. Echa Tumpa iñee pe oyecuatía oi corai: Che co jae ndeYa Tumpa. Chemboete. Jaeño cheporoócuai eyapo. Jocorai oyecuatía oi —jei.

San Mateo 4:10 ပူးပေါင်းရင်းမြစ်များ

1 CRÓNICAS 21:1

Satanás oñemopüa Israel iñemuña reta re jare omokɨ̈reɨ David ipɨa pe oipapa vaerä Israel iñemuña reta.

JOB 1:12

YandeYa jei Satanás pe: —Mase, ko oï ndepo pe opaete mbaembae reta güɨnoi vae; ërei chupe etei agüɨye mbae eyapo. Jare Satanás oë ojo yandeYa jóvai güi.

JOB 1:6

Metei ara yogüeru araɨgua reta yandeYa jóvai, jae reta ipɨte pe ou vi Satanás.

JOB 2:1

Jare ïru ara pe araɨgua reta yogüeru yandeYa jóvai yave, Satanás vi ou jae reta ipɨte pe yandeYa jóvai.

SALMOS 109:6

Emopüa chupe reta jupimbae vae, Satanás toï iyakatu pe.

ÉXODO 23:25

PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

San Mateo 16:23

Ërei Jesús oyerova jei Pedro pe: —Esɨrɨ chegüi, Satanás. Echa reipota chemboavai. Reyemongeta ɨvɨ pegua reta oyemongeta rami, mbaetɨ Tumpa oyemongeta rami.

San Marcos 1:13

Jare opɨta joko pe cuarenta ara, jare añaguasu omomiari omokɨ̈reɨ vaerä tëi iyoa. Jare oiko Jesús mɨmba pochɨ vae reta oimea pe. Jare yogüeru araɨgua reta omborɨ vaerä.

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

San Lucas 11:18

Jaeramiño vi Satanás oyemboyao iyeugüi aeño yave, opata ko iporookuaía. Echa pe reta pere che ambosɨrɨ aña reta oya jese vae reta güi aña guasu Beelzebú imbaepuere rupi.

San Lucas 13:16

Mase, kuae kuña Abraham iñemuña pegua ko. Ërei Satanás dieciocho año ma omombaerasɨ. ¿Mbaetɨta pa jaekavi oyembogüera vaerä kuae mbaerasɨ güi ara mbutuu pe?

San Lucas 22:3

Jayave Satanás oya Judas Iscariote re, jae ko doce vae reta güi metei.

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

San Lucas 4:8

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Juan 13:27

Jare Judas jou ñoete, Satanás oike ipɨa pe. Jayave Jesús jei chupe: —Eyapo voi jókuae reyapota vae.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

1 Corintios 5:5

jókuae kuimbae toñemee Satanás ipo pe okañɨtei vaerä jete, jare jekove oyemboasaukata yandeYa ou ye yave.

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

2 Corintios 11:14

Ërei agüɨye ñanepɨakañɨ kuae re, echa Satanás etei ipuere oyemonde Tumpa iaraɨgua rami.

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

2 Corintios 2:11

agüɨye vaerä Satanás ñanemoamɨri, echa yaikuaa kavi ko jae iñuai.

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

Santiago 4:7

Peñeñono Tumpa ipo igüɨ pe. Peñemomɨ̈rata añaguasu pe, jare jae otekuaraita pegüi.

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

1 Pedro 5:9

Ërei peñemomɨ̈rata chupe peporogüɨrovia pe, peikuaa ko kërai opaete ɨvɨ rupi ïru oporogüɨrovia vae reta oiporara vi ñogüɨnoi pe rami.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”