San Mateo 3:7 - Biblia Guarani Tumpa Iñee

⁷ Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

Nuevo Testamento Guaraní Pe

⁷ Jare jeta fariseo reta jare saduceo reta yogüeru Juan oia pe, jae ombobautiza vaera. Jare Juan oecha reta yave, jei chupe reta: —Pe reta co jae mboi reta rami. ¿Quia pa omombeu peve peyerova vaera Tumpa cotɨ agüɨye vaera Tumpa pochɨ peve?

San Mateo 3:7 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

PROVERBIOS 28:4

Tumpa iporookuai güi oyembosɨrɨ vae reta omboete iyoa vae reta, ërei mborookuai oyapo vae reta oyoaka jókuae reta ndive.

ISAÍAS 59:5

Pemboyauka mboi jupiagüe, jare peñope ñanutirapaa; kia jou jókuae mboi jupía vae omano, jare kia oumbiri yave jókuae mboi jupía, mboi raɨ oëta chugüi.

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

San Mateo 12:24

Ërei fariseo reta kuae oendu yave, jei reta: “Aña guasu Beelzebú imbaepuere rupi ko ombosɨrɨ aña reta oya jese vae reta güi.”

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Mateo 15:12

Jayave Jesús jemimboe reta oya katu jese, jei reta chupe: —¿Reikuaa pa fariseo reta omboasɨ ndeve jókuae rere chupe reta vae re?

San Mateo 16:1

Fariseo reta jare saduceo reta yogüeru Jesús oïa pe, jare oiporu reta chupe oechauka vaerä chupe reta mɨakañɨ ara güi oyavɨuka vaerä chupe.

San Mateo 16:6

Jare Jesús jei chupe reta: —Mase, peyeandu fariseo reta jare saduceo reta imbɨyape imbovúa güi.

San Mateo 22:15

Jayave fariseo reta oyomboatɨ, jare oyomboemboe kërai oyavɨuka vaerä Jesús pe, iñee rupi aeño.

San Mateo 22:23

Jare jókuae ara etei amogüe saduceo reta yogüeru Jesús oïa pe. Jókuae “mbaetɨ ko omanogüe vae reta oikove ye” jei vae reta. Oparandu reta Jesús pe, jei reve:

San Mateo 22:34

Fariseo reta oikuaa yave Jesús omokïrii ko saduceo reta, oyomboatɨ reta Jesús oïa pe.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

San Mateo 5:20

Echa che jae peve, mbaetɨ peyapɨraa peyapo jupi yae vae, mborookuai re oporomboe vae reta jare fariseo reta oyapo vae güi yave, ngaraa etei peike araɨgua mborookuaía pe.

San Marcos 12:13

Jayave jae reta ombou amogüe fariseo reta jare herodiano reta, oyavɨuka vaerä chupe iñee rupi aeño.

San Marcos 12:18

Jayave yogüeru vi Jesús oïa pe amogüe saduceo reta. Jókuae reta mbaetɨ güɨrovia omanogüe reta oikove ye ko vae re. Oparandu reta Jesús pe, jei reve:

San Marcos 8:15

Jare Jesús oyókuai reta, jei: —Peyeandu fariseo reta jare herodiano reta imbɨyape imbovúa güi.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 7:30

Ërei fariseo reta jare mborookuai re oporomboe vae reta mbaetɨ oyapo Tumpa jei oyapo vaerä vae. Echa mbaetɨ oyembobautisauka Juan pe.

San Juan 1:24

Kuae Juan oïa pe yogüɨraja vae reta fariseo reta ko.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

San Juan 9:40

Amogüe fariseo reta joko pe ñogüɨnoi jae ndive vae oendu kuae yave, oparandu reta chupe: —¿Ore vi pa ko jae jesambae vae reta?

Hechos 15:5

Ërei amogüe fariseo oporogüɨrovia vae reta opüa jare jei: —Toyembocircuncida judiombae oporogüɨrovia vae reta, jare toyapo reta Moisés iporookuai.

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Hechos 26:5

Jae reta oikuaa katu vi kërai tenonde rupi che ko jae fariseo vae. Kuae mboromboe pegua reta ko jägüɨro yae iporomboe pe vae. Jae reta ipuere chemombeu ndeve, oipota yave.

Hechos 5:17

Jayave sacerdote tenondegua ete jare opaete saduceo jae ndive ñogüɨnoi vae reta iyakatúä temimondo reta re.

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

Romanos 5:9

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.