San Mateo 3:5 - Biblia Guarani Tumpa Iñee

⁵ Jare Jerusalén pegua reta, Judea pegua reta jare jeta tëta ɨ̈aka Jordán iyɨ́vɨri rupigua reta, yogüɨraja Juan oïa pe.

Nuevo Testamento Guaraní Pe

⁵ Jare opaete Jerusalén pegua reta jare Judea pegua reta jare opaete tenta ɨaca Jordán iyɨ́vɨri ñogüɨnoi vae pegua reta yogüɨraja Juan oia pe.

San Mateo 3:5 ပူးပေါင်းရင်းမြစ်များ

San Mateo 2:1

Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi.

San Mateo 4:25

Yogüɨraja Jesús jaɨkue jeta vae Galilea güi, ɨvɨ Decápolis güi, tëta Jerusalén güi, ɨvɨ Judea güi jare ɨ̈aka Jordán jovaicho güi.

San Marcos 1:5

Jare opaete ɨvɨ Judea pegua reta jare Jerusalén pegua reta yogüɨraja Juan oïa pe. Jare iyoa reta opa omombeu rupive jae ombobautisa reta ɨ̈aka Jordán pe.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 3:3

Jayave Juan ojo opaete ɨ̈aka Jordán iyɨ́vɨri rupi. Jare omombeu opaete vae pe oeya vaerä iyemongeta ikavimbae vae ipɨa pe güɨnoi vae jare oyembobautisauka vaerä, Tumpa iñɨ̈ro vaerä chupe reta iyoa reta re.

San Lucas 3:7

Jare Juan jei jeta vae yogüeru oyembobautisauka vaerä chupe vae reta pe: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ agüɨye vaerä jae oiporarauka peve?

San Juan 3:23

Juan vi oporombobautisa oï Enón pe. Enón köiño oï Salim güi. Echa joko pe jeta ɨ. Jare amogüe vae yogüeru jare Juan ombobautisa reta.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.